輪到我主持例會

呢兩日多咗好多睇樓同買樓，之前有客睇淡，但依家又多番人買樓，可能之前業主叫高 d 價，咁依家有水位咪叫低番 d 出售，所以依家係多咗新買家，我今日接咗個客搵過千萬嘅單位，同另一個客要幫內地朋友搞投資移民而搵幾個單位，如果我做成呢幾單就 ~~~~~ 哈哈哈 ~~~~~~ ^0^

尋日我主管對我講，要我今個星期五主持例會，等我喺 30 幾人面前可以試下膽量講多 d 野咁喎，我 partner 今日就話我黎咗個半月就可以主持例會，而我師姐黎咗 2 個半月都未有機會主持，我主管真係好關照我，好鍚我，佢係我努力嘅動力，有邊個打工仔唔想有老闆賞識，我地呢行唔需要搞『擦鞋』或其他多餘事，有能力個個月都開單嘅，自然就有老闆賞識，唔需要好似以前做文職咁，見有其他部門同事打哂關係搞哂小動作來博老闆一讚，地產呢個工作真係幾適合我，如果老闆唔 kick 走我，我諗我唔會自動離職，好，我一定要努力，增加正能量的，ush ~~~~~