志賀高原滑雪之旅 - DAY 3

Day 3: Mar 10, 2009 (Tue)  晴/陰/有雪/有霧

※※※※※※※※※※※※※※※※※※※※※※※※※※※※※※※※※※※※※※

探險
首先要介紹一下志賀高原，它是全日本最大的滑雪場，由多達 21個滑雪場、84條雪道組成，比二世古還要大！全部雪道最低都有1,340米，最高達 2,307米。現在已是三月，但雪質依然有保證，有足夠新雪亦夠 powder！所以我們都很喜歡這裡！

今日我和子華打算去一之瀨、寺小屋及東館山等多個雪場探險，心情好興奮呢！上天可能想增加我們滑雪的刺激及緊張氣氛，所以由本來的陽光普照，變得越來越大雪及大霧，能見度只得幾米，就算有地圖都無用，大家根本看不到路 ，雪道上又見不到其他人，只憑感覺來滑，哇！其實都幾驚險！我全程都拼命跟著子華，感覺又驚又刺激，但又好好玩 ，好有探險 feel！曾經有一剎那，我望到四周圍全是白色，分不到天與地，好像雪盲現象般，都咪話唔恐怖！好彩後來見到有樹，所以沿著樹來滑，個心即刻安定下來！

這次霧中探險摸路的經驗，確實好難忘！每次我們成功到達目的地，都覺得好開心，好有成功感！

探險路線

↓
一之瀨


左上：由一之瀨 diamond 望過去便是一之瀨 family, 最頂那部份便是 black run
左下/右下：一之瀨 family 的 black run (其實不是太斜！)
↓
寺小屋

↓
東館山

東館山山頂，好大霧呀！而且唔知點解四野無人！
↓
高天原

嚟到高天原，天氣好差，大霧又大雪，又係四野無人！這條路線最驚險！
↓
之森

嚟到之森滑雪場，呢度有好多好多樹 (randomly located)，現場睇好靚好浪漫！
↓
Lunch

左上：餐廳門口個鐘幾靚
右上：日式牛肉咖哩飯 (800 yen)，好味呀！curry 好香，紅茶(200 yen) 都好好飲！
左下：呢日見到好多學生哥學滑雪，似乎係學校規定要上的PE堂，好令人羡慕！
右下：餐廳門外煙霧迷離的景致，猶如置身仙境一般！
↓
一之瀨

一之瀨的雪道寬闊，景色壯麗，現場 (飄緊雪！)睇真係好靚 ！
↓
燒額山

滑到3點半，開始覺得凍同埋無力，
所以我提議去這間水芭蕉嘆杯熱朱古力 (400 yen)，抖30分鐘再滑。
最後滑到4點 45分回酒店。
↓
Dinner

我們用了dinner coupon (團費包括早晚兩餐) 食 buffet。
無想像中咁差，有沙律、少少魚生、日式食品、西式食品及
甜品等等，熱食日日都唔同，幾好食。咁當然冇二世古咁多魚生同埋長蟹腳啦！

滑雪心情

1. 我今日狀態大勇，滑得不錯 ，教練教的 complete circle，pole plant 等等我都做到，速度可以緊貼甚至快過子華，真係從來未試過 (亦只此一次 )！其實要歸功教練 Mia，令我有好大的進步！
   
   
2. 以前滑雪多數會在同一兩條雪道上反覆練習，或跟著大夥兒滑，但今次我們自己睇地圖由一個山頭滑去另一個山頭，已經不須要再理會前面是紅色還是黑色雪道，這樣在山間遊走，感覺實在太捧！太刺激了！
   
   
3. 今日沒有教練的領導下第一次滑 black run，是一之瀨 Family 23號 lift上去那條雪道，其實山頂部份都有少少冰面，但overall 滑得ok，至少沒有 PK ！最叻係站在最高位要滑下來的一剎那，沒有半點腳震或驚的感覺 (以前通常企成分鐘先敢滑落去 )，大大衝破以往的心理障礙，今次成功挑戰黑色雪道，非常值得高興！
   
   
4. 本來一直都沒有PK，可是在高天原滑雪場最大霧之際，右腳不知絆倒什麼，整個人打了幾個斛斗，然後塊面撞向雪地，同時聽到 "卜" 一聲，那一刹那，突然覺得眼前好光 ，我第一個反應以為副雪鏡撞爛了，仲眨吓眼試吓有無碎片入眼！哈哈！原來副 goggle、冷帽和一隻 ski 飛甩到好遠好遠，兩隻門牙仲有點麻痺呢！可知這一跌的衝力有幾大！好彩個人無事！以後不敢再貪快了！
   
   
5. 不知為何我滑雪的表現可以好極端，好不穩定：有信心時可以滑得好快，又唔驚，越唔驚就會滑得越快及越好！子華通常都遠遠拋離我，今日我竟然可以緊貼他！不過滑到下午體力不支時，或每次跌倒之後，我都會信心盡失，立即回復"龜速" ！
   
   
6. 高山的天氣可以變得好快，例如今朝一早陽光普照，但好快已經變得天陰，溫度驟降又落雪，所以寧願多穿衣服及帶備暖包，以防不時之需，尤其山頂的溫度會比較低，如果個人覺得凍，肌肉便會不聽駛！
   
   
7. 今晚浸溫泉時，見到外面飄著雪，應該有零度以下，凍到連頭髮都結晒冰，好有趣 ！

上一篇： 志賀高原滑雪之旅 - DAY 2

下一篇： 志賀高原滑雪之旅 - DAY 4