安安:响一個懶洋洋嘅星期六下午,媽咪同個朋友去咗Milton Keynes,留低咗爸爸同我同康康响屋企....
爸爸突然聽到有用keys開我地屋企到門呀!咁佢即刻去門口,仲見到個lock郁咗一吓,慌驚之下,爸爸大喝一聲同大力拍到門,响防盜眼中果個人立刻走咗!!!!爸爸超驚呀!日光日白有人行十幾層樓梯(大厦電梯瓜咗!)入屋行劫呀!!!
爸爸又即刻打電話比媽咪,媽咪話屋企鎖匙响佢手袋wor,咁點解果個人會開到個門鎖架?
爸爸又即刻打999報警,咁倫敦d廢青警察嚟到,係咁二check 吓,又話佢哋無乜可以做,就入報落做attempted burglar...不過佢哋對於我同康康就好感興趣,又問爸爸我地係咪一男一女,又問我地可唔可以生兔bb...
安安:唉...做嘢啦警察叔叔,講埋d廢話
跟著爸爸同媽咪商量,叫咗個emergency locksmith上嚟加多把鎖,又叫埋姑丈過嚟...無耐媽咪就番嚟,個locksmith就鑽牆裝鎖...點知住樓上果個肥佬都落埋嚟...
原來係呢個肥佬搞錯咗,電梯壞咗,佢行樓梯行到暈酡酡,以為到咗自己屋企個層,想開門又開唔到,佢又驚,再比爸爸大喝一聲,走都走唔切!!!咁佢見我地又加鎖又報警,就萬二分唔好意思,勁道歉,仲比埋加鎖錢,第二日仲同佢老婆落嚟又道歉又送花!
康康:不過我對d花花敏感,狂打乞chi,所以d花花無得留底.
安安:好彩知進發生乜事咋,如果唔係就周身唔安樂!!!
DSC01889.JPG
DSC01888.JPG
DSC01887.JPG
哥米亞 2009-11-22 14:45
一路睇都一路 "鄧"您地驚....好彩無事....咁就好啦!....祝您一家平平安安....
大米 2009-11-16 15:20
rachel 2009-11-15 14:37
依張相超正呀!
珍寶豬 2009-11-12 19:21
一路睇, 好驚, 但原來貢攪笑!
珍寶豬: 奴婢參見安安太后!
細細／maple honey 2009-11-12 14:01
豬豬 2009-11-12 13:10
我有時夜晚都會諗吓會唔會有人開我地度門嫁~! 仲會諗定立咩[架餐]! 豬爸仲串我唔係對呢度管理處好有信心0既咩! 不過我都會諗有人可能係開錯門呢個情況0既~!
安康爸點解唔立定D武器0既?
咩事都無發生, 報警又真係好難做到D乜0既! 好彩樓上個肥佬都識做道歉, 響香港打搞完你就話知你啦~!
BOBO媽與兔地．日誌 2009-11-12 10:26
安安你咁瞓會舒服咩﹖
聽落都幾驚wo~~好彩唔係我姐，唔係都唔知點好喇！
卡樂B 2009-11-11 12:52
不過好彩你地係虛驚一場, 最後重攪笑收科!!!
連警察叔叔都對安康有興趣!
愛麗斯～Peter媽媽 2009-11-10 22:51
小白囡囡.MomoB 2009-11-10 16:48
好彩個肥佬肯自首, 水落石出就以後都唔駛心驚驚啦~
小飛象豆豆ダンボまめ 2009-11-10 12:43
兔兔多士 2009-11-10 11:22
開頭睇到都幾驚, 無啦啦有人開門, 但係愈睇愈好笑, 個肥佬都好好人, 雖然擺哂烏龍, 但係都肯認衰仔!
holly 2009-11-10 09:37
小拖肥 2009-11-09 17:57
咖啡仔與地拖 2009-11-09 16:31
董少爺 2009-11-09 12:44
乖乖 2009-11-09 08:52
你地有無換埋門匙? 要擺定枝壘球棍係屋企傍身...
愛蓮 2009-11-09 08:40
樓上個肥佬一定係洋人嘞, 如果響香港一定睬你都傻, ha ha.....
不過幻想兔爸當時個場面真係好驚架 ~
兔奴一號 2009-11-09 07:34
呢單嘢真係超爆笑喎...樓上個肥佬搞笑, 嗰d警察更搞笑! 不過康康同安安咁正, 俾我on duty都忍唔住留意佢地啦!!!
康康, 你有冇嚇親呀?! 姨姨錫番, 唔駛驚! 不過你得閒就幫安安lam下個綠色咀仔啦, 好似d鬚根咁, 佢就快man過你喇!
兔奴一號 2009-11-09 07:27
康康...我嚟喇!