八月居

今日係九周年關係，所以去左食呢間八月居，原本訂左8點鐘先到既，但肚餓加上早到關係，6點半已經到左，所以就直接入去了，呢間野都想食好耐了，不過因為太貴所以冇食過，但呢個日子應該食好小小既，有豬油撈飯、片皮鴨、牛坑腩同白灼蝦，另外仲有甜品添，呢餐都幾飽嫁，因為2個人食咁多野，味道唔錯，但片皮鴨唔係最好食，牛坑腩要熱食先好食，凍左就差好多了，另外叫左個豬油撈飯，我就從來未食過，不過唔覺得好好食，下次都唔會再試，不過以上既除左牛坑腩比較好味外，其他都好一般，咁既價錢我可以有其他選擇，同埋可能早入場關係，3個餸同一時間黎，搞到未食都凍晒了，埋單時望一望錶原來已經坐有2個鐘，而員工方面都唔會因為咁而想趕你走，都坐得幾舒服，不過我地一坐低時問有冇hsbc個餐既時候，我聽到d員工講野，唔知係咪話（又係食餐呀）咁呢，如果係既呢間野再好食我都唔會黎，最後埋單5百幾，但呢度食一餐唔夠我去食勝香園既一餐開心同好味，不過有機會都會再黎食既，等我阿媽生日黎食都好。

計計下呢個月食左好多野，基本上成個8月都係慶祝。