日本自由行 Day 6

Day 6
新宿 → 淺草 → 上野 → 新宿

今日係旅程尾二個日啦，我地今朝就出發去淺草既雷門寺，我地係仲見世通買左個幾好味既米餅，新鮮整好嫁，所以仲係熱既，食完之後我地就行去雷門寺啦，我地有許過願嫁，唔知係咪真係會實現呢，我仲有係入面求籤添，支籤話係吉黎嫁，希望真係可以如佢所講就好啦，我地求籤後打算食手打soba，踓然我記得條街係邊，可惜唔記得帶本書，搞到唔知問舖係邊，咁就踓有食第二d啦，之後行過有度食人型燒，我地買左黎食，原來都幾好食嫁，可能因為係新鮮既關係，食完野我地就去上野啦，一出地鐵站就見到有間花舖，見到肥婆望住d花，好似好想買咁，咁我咁耐都冇送花比佢，又見日本真係好多花買又咁靚，梗係要買比肥婆啦，踓然只係得3枝咁小，但佢同一隻色都唔夠一打，但計落平香港好多嫁，仲要新鮮過香港添，之後仲空運左返屋企，開到好大好靚添。
我地去到上野都肚餓了，所以搵左間食天婦羅食，間野好似叫天丼，入面咁岩仲有個識講國語添，我就叫左一個天婦羅飯，肥婆叫左一個烏冬，唔可以話好好味，又有必要專登去試，食完飯又見到百果園，梗係又買野黎食啦，今次買左蜜瓜同波羅食，真係好味，仲係對面間機舖玩夾公仔機，可惜乜都夾唔到啦，之後我地去左二木之果子買手信同野食，又一大袋野走添，行行下見到間0101，又要破財啦，我仲買左個銀包比阿媽添，搞到又要返酒店放低d野，哈哈。
放低野後就係新宿行下啦，點知經過三越，係臨尾一日失守了，比肥婆睇岩左個LV袋，盛惠￥76,000，個款香港冇現貨，有貨都係差唔多價錢，一係要買水貨，水貨要成$6,600，咁我就話送比肥婆啦，之後佢話唔好，我話唔緊要啦，之後我去左睇皮帶，返黎既時候，就見到我張卡比個SALES 碌左，真係多謝晒，想同我儲多D分添，個姐姐都幾靚女嫁，D英文都幾好添，同好好人咁帶我地去TOKYU HAND，因為我地買得太多野啦，所以要買多個喼，日本D喼真係好貴，平均都要成千五至二千蚊一個，但冇計啦，我地其中一個喼又壞左個鎖，買黎留返下次去旅行用到好丫，買完喼我地又返酒店，點知經過百果園又有野買，就係啫喱啦，￥200一盒平過香港好多，仲要香港成日都冇得買，咁就買左4盒返香港啦，返到酒店放低喼又出去食飯啦，日日都係食，真係好，但我今日呢左個雞旦雞肉飯同咖喱飯食，竟然比我見到有隻小小強係件雞度，好彩差唔多食完姐，食飽飽就行新宿最後衝。