20091225 南丫聖誕

20091225 南丫聖誕

平安夜

“聽日去邊?”“乜唔係北上打保齡咩?”“俾班馬友放哂飛機嘞.”

“聽日去邊?”“繼續北上, 索K啦.”“俾班馬友賣哂豬仔, 又少咗個護法K王, 得4個人, 索唔哂喎.”

“聽日去邊? 唔通過大海搏番舖?”“食完飯至講啦.”斟咗一輪, 經過紫微斗數計算,  唔過大海, 唔去東平洲, 往南到南丫島啦. 大舊哥話咁大個隻都未去過. 吹水呢? 都廿幾年嘞. 咁點呀?

嘻, 唔識路呀, 揾除副正啦! 一call除副正, 除副正响將軍澳都話趕出嚟做領隊.

聖誕日

半宿無話. 8:00大家happy集隊. 食個早餐, 車車船船, 南丫島, 我哋到也!

南丫島除咗有小島風情, 原來有個大風車, (車, 有咗好耐啦; 都話廿幾年未踏足咯) 上咗堂生態游.

由溶樹灣行到索罟灣, 行到腳軟(註, 淨係亞霍腳軟). 雖然莫水食海上鮮, 但有炒飯麫海風吹送, 過咗一個18年以來最和暖的南丫聖誕, 亦一樂也.

p.s. 今日新聞: 大霧籠罩 多宗撞船; 澳門大霧影響港澳航班延誤.

吓, 南丫島原來係咁嘅樣咖. (正大鄉里)

大鄉里去離島, 笈番個印先.

上山吹風車都遇到熟人, 香港真係細細細

洪聖灣, 到此一游.

俾除副正迫坐包廂.

腳軟呀!

背後神風洞

紫微斗數計過, 今日係18年最和暖嘅聖誕, 宜南游, 不宜北游. 宜過小海唔過大海.

除副正話等亞霍儲到水, 下次到魚排食海鮮.