到你發現其實你慣晒　入娛樂界當你貨物賣

成人的世界總逼著我們做一些我們不想做的事。

有時候要為了隱瞞一些事，將黑的說成白；

有時候要為了奉承一些人，將白的說成黑。

層層的面具隱蔽了真心的面龐，

陣陣的牆壁阻擋了清澈的內心。

農夫 - 娛樂圈殺人事件
作曲：Jack Splash　填詞：6 Wing / C Kwan
編曲：Jack Splash　監製：6 Wing / C Kwan

即刻開始聽真啲　農夫兩個MC死左嘅事
佢地泉下有知　講幾隻字　喺娛樂圈你死你事

以前邊有人識得農夫係乜
但係有人識噏　農夫係得
今日我賣得　你又話我變質
我唔講得太露骨　我怕從此絕筆
得得得　駛乜咁多原則　最緊要咪亂噏
叫我做乜就做乜　直到導演嗌cut
做小丑又得　唔怕一萬唔怕萬一
話我肉酸　又話我核突
但係呢個係事實　我高過你　我人工高過你
我去拍戲　等十幾粒鐘等到懵　拍十幾分鐘
最後成條片都冇用　輕輕鬆鬆收工
你點會輕輕鬆鬆得過我　我寫過好多廣告歌
順順利利起貨　又話寫得唔錯
仲可以plug埋plug埋當一首新歌
你寫廣告歌你不如拍廣告　啲廣告商爽到冇乜野俾我做
冇排過舞　又話我跳到　只需要笑到好似燒壞腦

到你發現其實你慣晒　入娛樂界當你貨物賣
你積埋積埋覺得冇古怪　即時certify

即刻開始聽真啲　農夫兩個MC死咗嘅事
佢哋泉下有知　講幾隻字　喺娛樂圈你死你事
即刻開始聽真啲　農夫兩個MC死咗嘅事
佢哋泉下有知　講幾隻字　喺娛樂圈你死你事

繼續繼續　最好做音樂節目
唱半首歌係直播　唔駛再錄
冇錯　唱錯歌詞都唔駛NG　走音又冇人知
點解呀　我啲歌都無key
做商場show咪仲好　嗰度鬼殺咁嘈
有時我一句都冇唱到　佢哋都完全聽唔到
做大學show咪仲過癮　一出場佢哋就興奮
有時我諗大學生可能從來無見過人
哇　咁你要返上去行吓
吓　我都唔識唱普通話
唔駛架　只要你郁一郁咋
佢哋就「嘩」 直頭變左劉華
係　如果要計出埠做野最盞鬼
出出入入都係頭等機位
咁又係　間酒店房裝得落我間屋咁滯
我諗過住足一世　以後都唔返嚟

到你發現其實你慣晒　入娛樂界當你貨物賣
你積埋積埋覺得冇古怪　即時certify

即刻開始聽真啲　農夫兩個MC死咗嘅事
佢哋泉下有知　講幾隻字　喺娛樂圈你死你事
即刻開始聽真啲　農夫兩個MC死咗嘅事
佢哋泉下有知　講幾隻字　喺娛樂圈你死你事

去左陰間　我都可以翻生
帛金都慳返　咸魚都可以反彈
去左陰間　我都可以翻生
帛金都慳返　咸魚都可以反彈
去左陰間　我都可以翻生
帛金都慳返　咸魚都可以反彈
去左陰間　我都可以翻生
帛金都慳返　咸魚都可以反彈