30Sep ~ 7Oct 澳洲之旅 (開恩茲)

第四日喇 ~

今朝要 3 點幾起身起程上山坐熱氣球睇日出 , 坐左一個鐘頭車之後 , 天仲係未光 , 我地已經到達左空氣清新 , 環境好幽雅好靚既山上平原 , 我心情緊張期待熱氣球慢慢升起 , 咁就可以比我地上去喇 ! 終於到左搭上去既一刻 , 好興奮呀 ! 我準備左攝錄機拍下由高空望落黎最美麗既景色 , 嘩 ~ 真係好靚呀 ! 真係好難形容我當時睇到既一切 , 一定要自己親身去感受先得架 , 我都好想你地黎澳洲睇下 , 你就知架喇 ! 太陽伯伯你好呀 ! 澳洲既太陽特別唔同 , 姨一刻真係好感動 , 感激神創造姨個美好既世界比我地去住 ! 謝謝你 !

9 點幾 , 我地要坐兩個鐘頭船去大堡礁 , 去尋找滿佈珊瑚既世外桃源 , 不過我暈船浪 , 到左之後我要坐一陣先可以玩潛水 , 係淺水練習左一陣 , 原來用口呼吸係咁難架 ! 因為我地兩個都唔識游水 , 我開始有 D 驚 , 無信心 , 教練話我 OK 叫我試下潛少少先 , 如果唔得先返上黎 , 估唔到我地咁大膽會去到海洋既深處 , 我地潛左10分鐘多 D 之後 , 我開始咳 , 呼吸開始唔順暢 , 所以我示意教練我要上水面 , 雖然只係 10 分鐘多時間 , 但係我見到海底既珊瑚和色彩鮮艷既大小魚 , 深深感受到我地係值得背住幾廿磅重既氧氣樽 , 仲要好驚既心情落黎 , 啊 ~ 勁靚 !

好快又到左要離開既時候 , 我帶住好唔捨得既心情 , 我同大堡礁講 : 我地有機會一定會再黎探你架 ! 夜晚我同另外兩對夫婦一齊係海邊自己比錢食西餐 , 嘩 ~ 餐廳環境好有氣氛 , 黑蚊蚊 ~ 周圍都係鬼佬鬼婆 , 好有外國 Feel 野食都幾好味喎 !

今日真係好開心 ~  但係好累 ~ 要早 D 訓覺喇 !