我愛大熊貓

小學時代學校去旅行多數都是整過年級去的， 不過在六年級時"著褲仔"所讀的一班可以分開獨立去， 結果我們投票選了去海洋公園(OP)旅行。  不過時間太耐了， 唔係太記得當日的情況， 但那天的活動有兩樣事是到今天還是記在腦海入面。

第一件事就係第一次見到明星， 佢就係"哥哥"(張國榮)， 詳細情形第日有機會再講。 另一件事就係第一次見到熊貓， 還記得當日所見的熊貓是住在一間玻璃房入面， 但不像現在咁可以咁近去看的。 當時班主任對我們說熊貓是中國國寶， 就快絕種， 所以要好好咁珍惜呢個機會， 因為唔知何時再有機會再次見到， 雖然只得很短的時間， 但印象非常之深刻(最近先知道當時的兩隻熊貓係"青青"&"濤濤"， 由福州熊貓世界派來香港訪問的)。 對熊貓的印象就是由呢一刻開始深深印在心裡面，  之後都有機會在廣州動物園看過熊貓， 但那一次所見的熊貓好污漕， 而且距離俾在OP那次所見更加遠， 只係見到熊貓在睡覺而已。

那次之後沒有機會再見到熊貓， 直到出來做事自己付錢開了Cable TV， 可以從"國家地理雜誌"睇到有關熊貓的資料， 加上互聯網的發達， 可以在網上看到多些有熊貓的資訊， 再加上安安和佳佳來到香港， 對熊貓的感覺又回來了。 但真真正正令"25"為熊貓而瘋狂的都是到香港回歸10年國家送了盈盈樂樂來香港的事， 當時正值"25"同某人的關係變得緊張， 唔開心的日子多過開心 的日子， 就在呢個時候OP為兩B同了一個Panda Blog 同埋Panda Channel(可惜兩者迎半年都先後關閉了)， "著褲仔"就是從公司電腦看到四寶的一舉一動， 看見牠們可愛的樣子和舉動， 令到"著褲仔"可以暫時忘記所有唔開心的事。

2008年8月8日， 一個中國人值得紀念的日子， 對於"著褲仔"來說還有一種意義， 那就是首次一個人去看熊貓(之前曾經和朋友去過， 但不是專登去看熊貓) ， 往後的日子就更加不能自拔， 平均每半個月就會去探四寶一次， 不過近來好像差不多個個星期都去， 但相比其他的熊貓fans， "著褲仔"也不算是太瘋狂吧！

今天是樂樂的生日日子， 四年前的今天這個時間亦是牠出世的時間， "著幛仔"專登將這篇文pose的時間set了做一樣； 到下星期8月16日就是盈盈的生日， "著褲仔"好希望兩隻熊貓快o的開枝散葉， 為大家帶來更多歡樂。

最後祝盈盈樂樂「生日快樂， 身體健康」！