自駕遊2 --day 2-長征新界北

22/7/09(wed)

長征新界北---呢個係我地今日行左gei地方!

今日目標係下白泥!不過去下白泥係黃昏的事......之前都係兜去大尾篤練番手車+去彩色屋仔食個lunch先!(上次租車玩時都去過~令人回味!)

平時無車要去食實在好唔方便~揸車去的話好快就到!

食物好好味!!!lunch去食抵好多lei~

食完lunch其實無咩planning...本來諗住沿路折返出返大埔...不過好奇心驅使下....好想試下再揸入去睇下係咩地方~於是我地勇闖後來才知道是"鍊車"熱門地的"新娘潭路"~

由於係平日....條路一架車都無....上上落落有少少彎都幾好行!其實都唔知條路的盡頭係點，因地圖顯示的是虛線!

去到以為是盡頭的地方有間士多~於是落車買d野飲下!!wah~見到到岸係明思克母艦!!原來對面係大陸lei!

之後我地出到去沙頭角路揸返去粉嶺~win說不如去浩園睇下!於是我地又向和合石出發!

我地兜左3次先搵岩路上去~其實都幾遠!無車的話都唔知d人拜山點行上去!

浩園比想像中細同迫....大部分墓碑都刻左死者殉職的原因!見到好多都好面善的...有d已經係十年前的事....不過記憶好似無耐之前咁....可能葬得喺浩園都係d曾經轟動過的新聞!

浩園有個實Q叔叔一路"監視"我地~可能佢太悶la!佢好似導賞員咁解釋左好多野比我地知~真係好好人呢!

離開浩園我地沿粉嶺公路入天水圍~wah!!條公路都好長下!又多貨櫃車....win要左cut右cut...本來win話去濕地公園睇海龜，不過第一次miss左個入口....於是都係放棄寧願早d入下白泥!

想去下白泥好耐la!!拍拖時成日聽人講下白泥日落好靚~之前上網search過資料...都知入去條路唔係太岩d新牌仔....因彎多...單線雙程行車....不過平日好少人，慢慢揸都ok!

途中我地被一間廟吸引左~不過我地唔係入廟....係喺廟前的一片紅樹林睇彈塗魚!!好多!好大條!!!(之前在南生圍見過一次好細條的!)

其實都唔係太知睇日的正確位置喺邊!中途有一個彎位我地見有2架車泊左喺度有d人影緊相.....不過我地泊埋去的話又會好阻街...於是都係繼續向前行!

之後我地去到一個好似係泊車的地方...於是我地停車落地睇下~正當我地猶疑緊到左未時旁邊間大屋有個講廣東話的鬼佬叫我地落去個灘la!原來已經到左!

影丁太陽落左山，個天開始變色最靚的時候居然無電!!!!!!!都唔知點解成日都無電!!!!已經唔係第一次~去disney係gum,去ocean park係gum....宜家又係gum...

剛在指點我地個鬼佬坐喺屋低飲酒睇日落~佢好好奇我地做咩咁快走~佢仲話今日個view特別靚..好少見!!.....唉..........唯有用腦記住la~~不過臨走時比我多偷影到2-3張~

本來都想一嚐流浮山海鮮...不過實在無胃口....於是都係返沙田算了~

回程時經大欖隧道~快係快d...不過要$35!出左隧道行錯路去左青衣經葵涌先返到沙田~用左40mins!