5月26日 - 騙人的123

事原CSL收購了新世界, 所以就說服 "新" 既客戶轉去 123!!!  先來的一批客戶相信應該是一把年紀的客仔, 即是我亞爸亞媽佢地!!! 

先接電話的是爸爸, 叫他轉台, 去邊樹邊樹簽約, 我地感到很奇怪, 因為沒可能叫人轉台, 可以退番之前既預繳!!  嘩....有咁荀得咁荀!! 令你冇辦法推佢咁!!!  爸爸聽完我地講之後就冇去到簽約!!!  之後冇再打電話黎!!

上星期六輪到媽咪了........我聽到佢講電話, "個計劃點架?", "收費是不是照舊??", "好呀! 好呀! 寄俾我呀!!", "是不是有 coupon 架??"........聽完佢講, 我就知道是轉台, 問番媽咪知唔知個計劃係點? 佢又答到我無零兩可!!  唉.................幾日後就收到新的 sim card & 合約, 份合約又唔清唔楚, 又係我出動既時候......打電話去問!!

問完之後先知道係一個大陰謀, 個計劃係 1000分鐘基本 & 400分鐘手電!!  我就問對方咩叫 "手電分鐘"? 對方答我 "打出打入對方是手提號碼", 我又問可唔可以用完呢400分鐘之後就扣基本分鐘, 對方又答我 "唔可以架, 用哂之後會每分鐘收費$0.50"!!! o下....呢個世紀又邊有人成日用固網電話架????  簡直係騙人的說話, 我話我要考慮時, 對方即時叫我要快決定呀! 你個咭就到期, 而且123會收得好d架~~~~  呢d說話又點會足以令我選擇轉台呢??  所以白星人即刻叫身邊所有新世界客戶小心聽123既電話呀!!!  你地都係要小心呢d電話呀!!