媽mi的嫲嫲~

昨天放工後如常到我媽家中食飯,突然嫲嫲坐着輪椅由工人推來到我家~

自從嫲嫲行動不便就很少到我家了,記得我還未嫁時,而她的腳骨又未斷時,嫲嫲晚上常常來我家坐坐,拿些差响,煤氣單,給我媽mi交.....她行路的背影和她行得慢慢的情境,我仍然瀝瀝在目~

昨天看見她,她真的老了很多很多,而且亦瘦了很多很多.......

這些我都覺得是其次,畢竟嫲嫲都九十幾歲~

但令我最擔心的是昨天她來我家是因為她要見一見自己個仔,因為她說自己從來沒有生過"仔".....只有3個女~

我: "嫲嫲~忠仔咪係妳個仔lor"

嫲: "邊個忠仔,我唔識~"

我: "咁忠仔係妳邊個"

嫲: "係我細佬lor"

我: "溢南先係妳細佬呀~"

嫲: "男家嗰邊個個都話我冇仔~"

哦~我明白喇,嫲嫲像是有少少老人病了,因為那病的病徵是只記得往事~

嫲嫲還以為自己在鄉下,記起以前未生老豆之前所受的閒言閒語,還說門天要去香港~

到我老豆返家,嫲嫲看見他,還是認不出老豆

我: "嫲嫲~妳知唔知呢個係邊個呀?"

嫲: "我認得你個樣,但唔知你係邊個~"

老豆: "我係忠仔,妳個仔呀,我叫妳做亞媽加嘛"

嫲: "我宜家先知咋,妳以前又冇叫我,我點知呀~"

天呀~~~嫲嫲,妳不要嚇我吧~~

到最後,嫲嫲都知自己有個仔.....但好奇怪,嫲嫲又知我是慧思.....家良,家豪是孫.....但又不認得我老公尊長

之前一個月我每次見她,她都會叮囑我: "慧思,生咗個仔就好喇~俾心機湊個仔啦~"

每次見面都叫我俾心機湊仔,但今次她竟然忘記我生了兩個,而且還反過來問我生的是仔還是女,又指着芷悅: "呢個係仔定女呀?

再重複叫妳辨認我們,妳就表現得很累的樣子說: "我真係唔知呀,我好亂~"

嫲嫲,妳這個表現令我感到很害怕,間,何妳的情況突然變得那麼差?

但媽mi說,嫲嫲都是一時時,晚上神智是差點............無論嫲嫲記得或不記得我們,我只希望她在於下的日子過得開開心心~~相信我都要多些探望嫲嫲了~

願天父能保守嫲嫲,希望嫲嫲能開開心心的過每一日~~~亞孟

(攝於2007年)