開學了

2009年8月6日(星期四)發生左一件大事....................

維維開學了!!!

晨早, 維維自己訓醒, 望住媽咪 : "Mummy, good morning, 返學學!"

媽咪望下鬧鐘 : 7:30a.m.

咁準時o既?! 唔駛鬧鐘響, 維維自己起左身喎! 仲好精神添

媽咪立刻叫醒爹地: "爹地, 快d起身啦! 拎相機呀!"

於是, 爹地媽咪就由維維起身未落床、食奶奶、換衫衫、出門口、返學途中、到學校門口、放學時o既每一刻, 好似拍攝 "接新娘" 咁錄影左啦!

維維話鐘意返學學, 返學時, 沿途一直唱歌歌; 放學時, BB堅持自己揹書包, 好可愛呢!

咁快就大個仔返學學啦, 媽咪有d感動呀!