放下執著

2009年10月19日 星期一

以前一直都覺得自己一d都唔似處女座, 但近呢幾年就開始發覺自己有d似. 咁梗係唔係整齊果方面啦. 覺得自己對別人o既要求好多時都會追求完美, 唔係咁啱自己果套就會好多意見, 好想即時解決. 但往往都得唔到自己想要o既效果, 反而令到周遭d人覺得自己好麻煩, 要求多多.

成日都同自己講, 做人咁執著做乜吖, 人哋又唔係自己邊個, 人哋做乜關你鬼事咩. 理人咁多做乜啫, 顧掂自己仲好啦. 但每次當見到唔順眼o既事出現, 又不由自住咁想去阻止.

其實我都只不過係凡人一個, 我又唔係神. 我邊有能力改變任何野. 其他人做乜諗乜我根本控制唔到, 更加冇權去管. 我安份守己咁睇實自己個家已經足夠. 因為只有家人先會一生一世無條件咁支持自己. 其他人啱傾咪傾兩句, 唔啱傾o既咪少d聯絡囉, 一切隨緣啦...........