網誌分類：傻豬老婆私語錄 |
2009年10月23日 星期五
真係比房署激死同玩死, 今朝收到佢哋電話, 解釋返點解我遲遲都未審查, 佢話我當年申請果陣冇寫申請日期同冇填當時戶口有幾錢喎, 我係03年申請架, 依家09年喇, 足足6年喇, 佢先話我6年前冇寫申請日期!!!!!!
本來約咗下星期二上房署填返, 諗住死啦, 咁咪又冇咗勤工.於是胆粗粗問下阿頭可唔可以lunch之後出去一個鐘, 簽完即返. 哈~佢又比喎, 於是今日食完lunch就過樂富. 咁就唔駛3日假期都心掛掛.
去到都唔駛10分鐘就走,因為真係填返6年前o既申請日期同當時戶口有幾錢,我寫果陣都唔知好嬲定好笑,03年10月7日,點知要到09年10月23日先發現我冇寫申請日期,救命呀~~佢仲要話, 張申請form一日未填好任何野,一日都唔會轉去審查部喎,依家我填好就會轉過去,等安排約見做審查,但都答我唔到仲要等幾耐.我心諗:X你啦,如果唔係我問點解咁耐都未到我審查,我都唔知仲要等多幾多個6年先會有人發現呀.
其實我都有好多地方唔明架,我真係覺得佢今次係搵借口想拖我囉.
一, 如果我份申請表係有問題, 點解佢哋又會接受我申請, 比我輪咗咁多年吖.如果真係有問題一早都唔比我啦, 駛等到今時今日先話我份form唔得!?
二, 呢6年我前後加咗兩個家庭成員. 我今日見到我張form, 係佢哋用紅筆幫我寫增加家庭成員個名o既, 點解兩次都冇講有問題, 而要到我等緊見官果陣先黎話我有問題吖!?
總之我就覺得好有問題啦, 不過可以點啫, 冇錢買樓又捱唔到貴租係要受下氣架啦. 鬼叫你窮咩~
大陸人一落到黎就有屋住, 仲要係新樓. d綜援驚佢哋唔攞咁, 幫佢哋填埋form, 一申請即批,仲要話唔夠. 我哋呢d土生土長o既納稅人就要查3代都不特止, 仲要住死過人o既殘樓. 呢個咪係香港政府囉, 人死咗都仲要佢屋企人幫死者交稅. d稅項就比晒d毫無貢獻, 淨係落黎駛錢o既綜援新移民家庭. 天理何在?????
肥魚 2009-11-02 13:06
政府雖然無能, 但唔好氣餒, 支持你地!!!!!!!! 加油!!
iRiS 2009-10-31 09:17
好快有消息架喇！放心喇，你出年一定上到樓既！
潛艇工廠 2009-10-23 18:16