《邊個唔掂!?》之《瘦身．攞Ａ．找咭數》

好耐無留意巴士上0既Roadshow... 因為最近每次坐巴士都會目訓著...
 
雖然明知佢係一條迫你坐巴士睇廣告0既洗腦頻道... 但我仲記得當年返學... 一個鐘頭0既車程入面... 有好多電影預告... MV... 紅人館訪問... 同硬tag 0既十大手機鈴聲排行榜... 勁有娛樂性...

今日出旺角... 45分鐘車程竟然無目訓著...
係因為衛蘭同傅穎每5分鐘就著住條短褲行來行去?
定係我睇0左幾十次都仲攪唔清楚張欣欣...究竟係男定係女?
可能係因為我發覺不停有人提你無錢找咭數... 原來係咁恐怖...

瘦身... 攞A... 找咭數...

你鍾意食野... 但又懶得做運動減肥... 搵我0黎幫你每日減一磅...
你鍾意打機... 但又無心機返學讀書... 搵我0黎保你會考攞A奪B...
你鍾意買野... 但又周身無銀一身債... 搵我0黎幫你埋單清咭數...

全部都係惡夢... 全部都話緊你知... 你有幾唔掂... 原來香港人意志咁薄弱...

0係信和入面... 聽到一個男仔講... 「可以用錢解決0既問題... 就唔係問題...」
咁究竟係有雞先... 定蛋先呢?

今日0既Roadshow...
手機鈴聲榜依然0係度玩食字... 推介從未0係街聽過0既流行曲鈴聲...
紅人館已經變成一齣面對鏡頭自言自語0既獨腳戲...
MV... 一首... 無啦?
電影預告... 乜香港仲有拍電影咩?