【一起為世界盃喝采‧Day ３】

　　尋晚三場波，睇左兩場。頭場係荷蘭對塞黑，成隊荷蘭好似淨係得洛賓一個打晒咁，不過佢真係癲架！係又爆唔係又爆．．． 雖然都俾佢入左一粒，但係覺得佢真係有Ｄ獨食；入左一球之後仲係咁衝，又係咁浪射。塞黑又唔生性，最後又係１：０收場。

　　第二場，墨西哥對伊朗，冇咩好講，墨西哥贏３：１。唯一最搞笑既係，有個鬼佬半場先入黎，望住部電視唔知做咩咁，原來佢係聽唔明中文旁述，之後佢終於忍唔住問我 ：「Whould you tell me what teams are playing？」 ：「Mexico & Iran。」 ：「Sorry．．．Mexico and．．．？」 ：「Iran。」 ：「Oh！Now one-0ne（１：１）？」 ：「Ya～」 ：「OK～Thanks！」

　　最尾果場係葡萄牙對安哥拉，本來成晚最想睇都係呢場，但係又成３點先開波，因為之前果兩場波太悶，已經打晒喊露 ，頂唔順，都係返去訓好過。結果？葡萄牙贏１：０，仲諗住大炒。

＊　＊　＊　＊　＊　＊　＊　＊

　　尋日估波既結果，又係中盤唔中波膽．．．（Ｐ.Ｓ.　以主客和黎計，依家暫時係估６場，中６場，命中率１００％！！）

１）塞　黑　ＶＳ 　荷蘭．．．．．．（我估）荷　蘭　贏　２：１║（結果）荷　蘭　贏　１：０

２）墨西哥　ＶＳ 　伊朗．．．．．．（我估）墨西哥　贏　２：０║（結果）墨西哥　贏　３：１

３）安哥拉　ＶＳ 　葡萄牙．．．．．（我估）葡萄牙　贏　３：０║（結果）葡萄牙　贏　１：０

＊　＊　＊　＊　＊　＊　＊　＊

　　今晚又係３場：

１）２１：００　Ｆ組　澳　洲　ＶＳ　日　本．．．．．　　　　和　１：１

２）００：００　Ｅ組　美　國　ＶＳ　捷　克．．．．．捷　克　贏　２：０

３）０３：００　Ｅ組　意大利　ＶＳ　加　納．．．．．意大利　贏　１：０