【過年】

　　原來咁耐冇寫過日記．．．之前果篇已經係「舊年」既事黎啦！！其實想打左好耐，不過年尾果陣台灣地震搞到幾日都上唔到網，又要返工，ｄｕｍ下ｄｕｍ下就冇寫ｌｕ．．．（講到尾都係自己懶．．．）

　　講返聖誕節既事先啦～果日冇人陪，ｎｉｋｏ要考試（有冇搞錯？聖誕節黎考試！）而且都要返工。果陣鋪頭仲未開張，７點幾已經走得。之後經過ｔｉｍｅｓ，聽到好嘈，應該又係Ｄ咩ｆｕｎｃｔｉｏｎ咁啦，之後聽到小儀把聲，行埋Ｄ八下，原來係隔離新Ｍ記開張。果日仲有Ｊｏｅｙ，真人原來好瘦；之後原來Ｅａｓｏｎ都係度！！嘩！！開心死我！！佢走果陣咁岩係我前面經過，我同佢差２個身位到咋！！未試過咁近見到自己偶像～～都算係個天送俾我既聖誕禮物啦！！

　　過左幾日除夕，ｎｉｋｏ終於返左黎。６點鐘到登龍街已經開始封路，１０幾架龜車泊係度，前所未冇咁安全（除左前年ＷＴＯ暴動見過全街都係龜車之外．．．）。到左１０點零鐘，成條登龍街已經係人，９成都係排隊等上ｂａｒ既。Ｔｉｍｅｓ果邊有倒數（年年都係），到左差唔多１２點到開始聽到依嘩鬼叫啦，ｎｉｋｏ好犀利咁迫到過黎我鋪頭門口，第二次返緊工過新年，第一次已經係初初入行果陣啦～～果陣仲係元朗踎緊。不過亦都未試過倒數得咁舒服．．．因為企係自己鋪頭。望住對面ｔｉｍｅｓ個蘋果由１５數到去７就遮住睇唔到，不過都跟住全世界人繼續嗌．．．咁又到左２００７年。

　　２００７年第一件大事當然係禁煙啦！依家見到成條登龍街Ｄ餐廳都係門口擺個米缸ｆｏｒ人食煙．．．都幾得意。不過食食下野又要走出門口又真係有Ｄ麻煩。其實我覺得好似以前咁有分吸煙區都已經ｏｋ啦～～唔駛咁「絕」姐～～講真，到依家都仲唔慣係茶記唔可以食煙呀！以前專登搵茶記食野都係為左可以煲煙之嘛～～如果係想趕盡殺絕，叫全部香港人戒煙咁不如索性唔好賣煙啦！！直頭話食煙好似吸毒咁犯法算啦～～

　　係呢度係時候諗下２００６年發生係我身上既大事啦～～

１）搬屋：由西灣河搬到西環，又再一次自己搬返出黎住，可惜既係，只係住左兩個月。　　　

２）上珠海「屈蛇」：係ｎｉｋｏ個女生宿舍住左大半個月都冇人發現，應該視為奇蹟。　　　　

３）去澳門：除左大陸之外，小弟終於可以過另一個海關，去新既地方，仲留低左一舊水係金沙。

４）世界盃：親眼睇住英格蘭再次出局，同一個人係珠海睇決賽，睇意大利爆冷拎左冠軍。

５）會考放榜：其實唔關我事，係關我個妹事，好彩佢都升到Ｆ６，雖然都要轉校，不過都叻過我唔駛ｒｅｐｅａｔ。

６）ｎｉｋｏ做手術：一直「只聞樓梯響」既事終於發生啦，手術之後我見證到醫學既偉大；當然，深刻既仲有係病床上面訓左一晚．．．

７）親眼見到Ｅａｓｏｎ：即係上面寫果Ｄ，都係大事黎架！！哈～

８）分手又復合：離離合合，又過左年半。

　　都應該係得咁多啦，其實２００６年過得都幾平淡，希望０７年會好Ｄ啦～～一來到左ｌｕｃｋｙ　ｎｕｍｂｅｒ　７，二來我又２５歲啦！！希望會有個新既開始啦～～