【我在新天地的日子（７）】

　　今日又訓晏左．．．仆到出門口．．．好在，趕得切冇遲到姐～～仲保持住清白之身．．．我覺得自己已經好叻架啦！！返左兩個禮拜早都「仲」捱到．．．不過遲Ｄ真係凍既時候我就唔敢包啦．．哈哈！

　　今日唔知咩事，全日爆場！！８點到當我正想食早餐之際，第一批客就入黎啦．．．一直係咁有客，未停過！！做到１０點鬆Ｄ先可以叫抖返陣．．．終於可以食個早餐．．．不過１１點又食晏，所以晏晝果餐都冇咩食到．．．不過實在係太肚餓，等唔切ｌｕｎｃｈ啦！！

　　到ｌｕｎｃｈ又爆過，搞到「ｌｕｍ」檔咁滯．．．好癲呀！！不過真係幾「ｅｎｊｏｙ」呢Ｄ忙都仆街既時間，因為時間可以好快過，而且仲可以考驗下自己既速度同能力去到邊度嘛！！

　　呢幾日都朝朝都有班「龜」黎食早餐，有時係果一兩個，今朝又唔同左人．．．不過佢地都好有禮貌，唔該前唔該後咁。佢地食完早餐仲係度煲埋支煙先走人，唔知佢地係咪吞ｐｏｐ呢？！呵呵．．．

　　公司有個廚房大佬用緊Ｋ８００ｉ，我問佢好唔好用，佢就話Ｄ掣唔係咁好撳，會成日「ｈｉ」到其他掣．．．但影相真係超靚囉～～我都仲未決定買邊部好呀．．．好頭痛．．．尋日經過衛訊拎左本ｃａｔａｌｏｇ睇，又見到有幾部Ｄ　ｆｕｎｃｔｉｏｎ都好似幾好咁喎．．．好煩呀～～

　　今日收到盧小姐既ｅ－ｍａｉｌ，佢話今個ｗｅｅｋ返黎．．．真係幾突然喎．．．

　　至於聖誕禮物．．．已經諗好左，俾一日時間我就應該可以準備好！！

＊＊　出糧倒數：仲有９日！！　＊＊