轉貼：天大的秘密

第一個用得著的,恐怕又係我...............

-------------------------------------------------------------------------------------------------

其實...
人唔係真係咁叻

讀書時 - 人會覺得自己好聰明，只係懶先拎唔到高分
甚至一口咬定高分既人全部都係死讀書
事實上...呢個只係技不如人既藉口...十個考得差既人...十個都會用既藉口...
所以，每次出成績都會突然出現一大批成績差但聰明既人...

工作時 - 無論做咩工作，人都會覺得懷才不遇，經常會諗明明自己曉飛天
點解老闆唔肯俾機會我?
甚至會話如果俾我做老闆，一定會點點點，一定唔會點點點
有時間不妨望下側邊既人，有幾多人個叻過你勤奮過你
再設身處地諗下，如果自己真係老闆，會唔會請一個/升一個似自己既人

思考時 - 人會覺得自己諗既就係真理，人地講既就係廢話
經常自成一閣當自己係哲學家，諗一堆以為無人諗過既哲理
可惜既係，無論你諗緊d咩，將個中心思想上yahoo/google查一查
你會發現好多好多哲理o係幾百年前已經有人諗過

當代人根本無咩特別，唔好將自己諗得咁特別

o係到講多次呢個殘酷既秘密俾大家聽
你唔係真係自己想像中咁叻...

或者呢個秘密個個都知，只係無人想聽到