社民連三子 v.s.立法會

首先表明我的政治立場:

我都係反對6000俾mpf而唔折現
我都係支持儘快雙普選
我都支持平等平權
我都會撐七一遊行

只係我唔認同社民連係立法會的處事方式
同埋濫用現行法度的人

已經係第二次發生我認為過份的舉動了
他們三人眾厭唔厭ga??

雖然鬍鬚曾個份財政預算完全唔合格
(因為唔保障全港人士.......... )
但係佢地可以等財爺讀完 / 讀到尾段先發難
就算要發難.......都唔應該係行出去 / 扔蕉 / 掃東西...........
好難怪一眾人士唔撐你地,甚至聯署譴責................

我唔係唔知社民連三子無做過野ga
仲知道佢地為民請命,做得仲多過任何議員tim......
但係我覺得佢地入得唻議事堂
就做返議員應有的身份
就算真係唔接受
"中途離場不回來"都係抗議的一種

要記住,呢度係
"中華人民共和國 香港特別行政區"
而唔係"中華民國 香港特別行政區"
台灣個種議會文化
係香港係行唔通ga
咁樣做,分分鐘連議員都做唔成
咁就無謂.....................

社民連三子
知道你地係做得野ga
下次收一收火,唔好搞咁大
就會好多議員撐你
再係咁ge話
俾人炒左就唔好啦..................

------------------------------------------------------------------------------------------------

講完,預左被插
因為自己其實無乜資格咁講
(以我呢排的事都知la........)
不過老老實實
我睇完佢地咁做
真係覺得好過份

不過要炒佢地係無可能
因為去到動議譴責的話
泛民派點都會撐一撐佢地...........

睇唻,呢一齣"花生戲"
仲要上多一陣子.............