擺展覽的感受

一個月之前, 收到一封展覽公司既email, 徵集RE-MENT食玩fans將自己既食玩場景放出來, 係新都會廣場同大家公諸同好, 我諗都冇諗, 就求其係電腦選左我d食玩相send去, 點知, 真係俾佢地選中左, 過多兩日, 就去新都會擺出來喇~

其實我之前都係新都會二期返工, 熟到唔熟~哈哈~

呢個就係我第一round擺既場景喇~因為冇咩臨場擺食玩既經驗, 所以帶左好少架生, set左出黎好似好空洞咁~不過見到自己擺既擺設, 可以被靚靚仔仔咁展出, 真係非常開心~

大會仲為每個參加者整左個靚靚名牌~我仲記得我擺完想走既時候, 展覽公司果個男仔問我參唔參加記者招待會!嘩~咪啦~我呢d人咁低調, 廢事show我個"靚"樣出黎啦~於是就推左~過一兩日, 果個男仔又打黎, 話放學icu想訪問我, 我又推左喇~而家諗返, 其實去下都冇壞, 起碼都叫上過電視丫~

之後佢地又搞左個食玩店舖設計比賽, 於是我就send左一set蛋糕店既相去喇~點知又可以再擺喎, 我今次醒d喇, 帶多d野去set up, 望落去個畫面都rich d丫!我個作品d小動物本來係冇架~~

可以係果度展出, 真係非常開心同榮幸, 尤其是我一個人無聊八掛時去巡視業務, 聽到d人讚我個作品, 係咁望住指住, 係咁影(我當然係旁邊偷偷咁守候啦)既時候, 真係又緊張又興奮~希望下一次有呢d展覽, 我都可以俾佢地選中丫~~~~過多兩日就完喇, 真係唔捨得, 同時我又就快可以湊返d食玩返來我家喇~嘻嘻~~~