~完全師奶~

我知我好OUT但係呢兩日先睇番「絕代商驕」既大結局.. 無線既劇集真係要有王子華既先會MAKE SENSE...哈哈記得好耐之前既棟篤神探我都為過佢而瘋狂!! 呢套真係好睇呀...(哈哈我真係知我好OUT因為已經播完好耐)

係大結局個集入面我最鍾意呢句- 話說黃子華好煩...唔知佘詩曼嬲佢D咩佢就去搵佢好朋友許紹雄幫手...

許紹雄問: 「你知唔知女人最鐘意咩?」

黃子華毫不猶豫咁答 :

.

.

.

「發脾氣!!!」

許: 「唔係呀!」

「咁一定係買野!!!」

許:「唔係呀係傾心事呀!! 開心又鐘意講野唔開心又鐘意講野!!」

.

.

.

哈哈... 又幾岩wor!!

同樣係無線既劇又同時係佘詩曼....呢套「宮心計」真係睇到我眼火爆!!!!

雖然佢有好靚既人同埋衫....但係我真係覺得d編劇可以花多小小咁多既心意呀大佬, 好人既話就好到天上有地下無, 壊人既話就要壞到底.!! 佘詩曼係好人, 行到去邊一係就撞到皇上,一係就撞到靚仔鄭嘉穎... 做錯事一定有人救佢..!又咁好彩既真係! 楊怡就慘... 一定係做衰人, 做錯事要罰到盡..!! 救命呀!

哈哈不過其實最犯賤個個都係我....有要睇有要鬧.. 完全師奶완전아줌마!!!!!!