迪士尼黑色世界 の日間篇

各位真係唔好意思啦, 今個星期都忙於執屋同打點新屋既事, 都搞到冇乜時間打BLOG添, HALLOWEEN都岩岩過左, 不過我地之前去左迪迪尼黑色世界都仲未POST出黎添, 同埋當日影左過千張相, 要整理都要一段時間呀！！

見早前整左少少相, 一於先出左日間篇先, 至於晚間篇就留待搬完屋後先POST出黎啦, 希望各位唔好見我太耐冇UPDATE而唔入黎探我地呀！！

１７　ＯＣＴ　２００９

去到大門口，除左見到阿ＪＡＣＫ＆ＳＡＬＬＹ瞓係門口外，仲會見到好大個米奇頭，

睇真Ｄ，用左好多南瓜砌出黎架！！

入到樂園，已經見到好多卡通人物，佢地著住ＨＡＬＬＯＷＥＥＮ版既衫，好得意呀！！

見到阿Ｖ至愛高飛，一身既骷髏骨打扮都唔覺恐怖，相反仲覺得好ＣＵＴＥ添！！

排隊同過高飛影相時，同芯芯一路玩住等！！

睇下芯芯笑到唔停呀！！

哈哈，芯芯笑得好開心！！

哩一張芯芯既表情好ＣＵＴＥ喔！！

芯芯：Ｙｅａｈ．．．．我要多Ｄ入黎迪迪尼玩！！

ＴＥＡ　ＴＩＭＥ　時候啦，一於去餅店ＴＥＡ一ＴＥＡ先！！

每次入黎，我地必飲凍奶茶，大大杯都抵過飲汽水架，而且又點少得　”積木乃伊忌廉芝士包”，上年入黎時食過已經覺得好好味，今年再次品嚐先！！

美食當前，但芯芯好似驚驚咁既，　

芯芯：　有得睇冇得食好慘呀，都係食手指算啦！！

行行下見到　ＣＨＩＰ　＆　ＤＡＬＥ　呀！！

佢地好搞笑架，影完相好似想搶芯芯走，又係到撩芯芯，好搞笑呀！！

芯芯開餐啦～～～

食飽飽，更係搵地方換片片啦，話晒芯芯係女仔嘛，更係唔好隨街換蝕晒底啦！！

入到嬰兒護理室，居然有成四位工作人員招乎我地，入面仲有餵奶室添，設備都好齊全喎！！

出返黎　ＨＩＧＨ　ＳＣＨＯＯＬ　ＭＵＳＩＣＡＬ都做完囉！！

係城堡對出，今年由火焰南瓜人取代阿ＪＡＣＫ！！

安頓好芯芯，

大街酒店，我地黎啦！！

好自為之．．．．．我地今次行頭位，雖然上年都玩過，不過行頭位前面又冇人，都咪話唔驚，最慘跟我地後面既人好似好驚，仲越行越慢，變相得返我地幾個行添，明明過左Ｄ鬼，又會行番轉頭嚇你，總覺得今次比上年好玩，而入面既裝飾真係好靚，可惜唔可以影相啦，最後仲有隻鬼仲搞笑，同幅牆一樣色癡左係幅牆到嚇人，好彩比我地見到佢嚇完人癡返埋牆，唔係一定嚇到尖叫架！！

比鬼嚇完，定一定神後，同芯芯經過城堡行去玩　ＷＩＮＮＩＥ　ＴＨＥ　ＰＯＯＨ !!

黎到ＷＩＮＮＩＥ　ＴＨＥ　ＰＯＯＨ，同ＰＯＯＨ合照先！！

哈囉．．．依唷，我地又黎啦！！

芯芯入到去仲眼仔碌碌四圍望，睇黎佢都鐘意ＰＯＯＨ喎！！

芯芯：　ＤＡＤＤＹ　ＭＡＭＩ，　我開始頂唔住要眠一眠啦！！

玩完ＰＯＯＨ，黎到幻想花園同其他人物影下相先！！

可惜芯芯太攰啦，未影相前已經瞓左囉，連阿ＰＯＯＨ都話要陪芯芯覺覺豬！！

一路同人物影相時，個天都開始黑囉，

其他行程就留待晚間篇再講啦！！

待續．．．．．