在大嶼山的家庭樂 (下集)

繼續在大嶼山的家庭樂(下集)~~~~~

由竇蓮寺搭一程巴士約20分鐘就到達香港水鄉之稱大澳, 我地一落車唔係直入市中心, 而係經領隧帶路, 去左一間海味店參觀, 但係佢冇講解咸魚或蝦醬既制作過程, 只係去到工場岸邊比我地欣賞一帶景色咋, 既然冇詳細講解, 唯又自己發掘大澳吸引人之處啦!!

(1)(2)(3)

(1) - 咸魚 "大澳三大名產之一, 用黎炒餸或蒸肉餅好好味架, 食得多就唔健康啦!"

(2) - 鱆魚 "曬乾左既尢魚, 用黎煲湯, 會好香好甜架!!

(2) - 蝦醬 "大澳三大名產之一, 相信用途不用多作介紹, 蝦醬通菜炒牛肉....正呀!!

我地冇都聽領隊講. 去指定地方食豆腐花, 經阿B細佬"尹二"介紹, 去一間叫"車站豆腐花"既地方食豆腐花, 因為尹二公司既關係, 佢有時要入黎大嶼山出JOB, 食晒係大澳咁多間豆腐花, 以哩間豆腐花最滑最正, 值得推介架!! 仲有一碗係兩溝"芝麻胡+豆腐花"都一樣咁正架, 各位認住地址啦!!

雖然大澳是少數能夠保留魚村既風貌, 而棚屋更是大澳既特式, 好彩早幾年既大火, 冇拎到棚屋既特式消失, 不過棚屋既數目亦都少左好多啦!!

窄窄的大街小巷, 也是大澳特式之一, 而且沿途仲會發現係市區消失左既舊式店舖!!!

既然黎到, 奶奶又點少得 shopping, 見佢全廊貫注左揀右揀, 就知一定有收穫啦!!! 結果奶奶買左蝦膏, 蠔仔.........等!!

下面尼龍繩包住, 就係生曬大蠔, 根據店舖老闆講, 用黎紅燒或焗生蠔, 味道一流架!!

shopping完再繼續行程, 我地過橋去一檔賣糯米磁非常出名既地方, 而途中經過一些商舖真係有特式, 下圖 仲見到成條鯊魚皮, 真係識得搞噱頭!!! 不過係現場睇都幾恐怖架!!

行左10分鐘, 終於到達賣糯米磁既地方, 因為哩到非常有性格, 只要賣晒就會關門休息架, 平時未到中午已經沽請架, 除左糯米磁之外, 仲有茶果售賣架, 可惜買左之後冇食到就比奶奶成袋拎左返屋企, 搞到我地唔可以試下個味道添!! 唔講唔知, 佢地仲係用柴火黎煮糯米磁架!! 現在真係好少地方仲有柴火黎煮食啦!!

係隔離仲見到有人曬喊蛋, 阿V見咁得意, 當然影張相啦, 時候都唔早啦, 準備返去停車場集合先!!

不過回程途中見有個石灘, 阿B&細細佬一個箭步沖左出去, 原來佢地係到影相(snapshot ), 去到條橋時再影多陣相添!!!

p.s. 以前大澳係冇哩條橋架, 往來對面係要靠d船仔!!

去到停車場時, 仲有幾位團友未返黎, 於是係旅遊車等佢地啦, 隔左10分鐘終於返黎啦, 原來佢地搭船出海睇海豚, 不過佢地話海豚就睇唔到啦, 喊水就飲左幾啖, 好似有d搵笨既感覺, 其實哩個節目都是推介之一, 只不過領隊落車時講明唔建議我地坐船海豚, 因為來回需時半小時以上, 所以今次我地有出海睇海豚, 希望下次有機會啦!!

人齊後就坐車回東涌再轉車返TST就解散, 但我地決定去東涌 OUTLET shopping , 阿B&阿V就冇乜收穫啦, 反而其他人就有唔錯既收穫!! 東涌OUTLET既規模越黎越大, 真係乜牌子都應有盡有, 點解係日本有咁多 OUTLET , 而HK只得一個既, 希望將來會有第二, 第三個大型OUTLET啦!!!

最後我地乘MTR返屋企啦!!

加插 - B の家純影集(大嶼山篇)!!!

自己試下玩snapshot, d 相影得唔好請見諒~~~~

上面張相好有西藏 feel 呀!!!

哩舊雲真係好得意架, 大家覺得似咩呢???

我覺得佢似 "拳頭" 或 "拳師手套"