Wild Day Out 2009 (Halloween)

上年去完Wild Day Out個陣, 我同自己講下年唔會再黎呢d Function, 因為要企足9個鐘, 真係好辛苦, 頂唔順啦. 不過話唔去唔去, 今年又係去左, 就係為左你呀 - Sodagreen!!!

第一隊出場既農夫, 問台下d人黎睇邊個, 好多Fans大叫"蘇打綠", 之後農夫好搞笑話:"睇蘇打綠洗咩咁早黎呀?", 哈, 又係呀, 打綠兒家今時唔同往日, 由前幾年只係唱早段時間, 今年變左唱壓軸尾段!!! 證明越來越紅啦!

由於我地想睇既歌星都係唱後段時間, 所以我地好Hea咁係連城食完Lunch, 差唔多3點幾先過去. 不過個場地真係令我好失望, 竟然仲差過上年既西九!!!! 仲以為馬場會舒服好多啦, 不過呢句野只可以apply係$380既人, $280 同 $180既只可以睇大電視! 唉~ 真係好慘好憤怒!!!又係wow music既傑作!!!! shit!!!

算, 講番個show, 由於我既目標只有一個, 所以都冇咩心機聽其他歌星唱, 比較深刻印象既係星光三少之一既"許仁杰", 因為佢唱左Eason首"7百年後", 佢d廣東話又幾正喎. 估唔到. 之後就係夜場既"盧廣仲", 佢真係成日都yeah, 好搞笑, 同埋因為佢得Guitar做樂器 (同Tanya一樣), 所以有d細聲, 唔係聽得太清楚.  跟住係范曉萱, 佢個吐血look好驚嚇呀, 真係好Halloween feel!!

大部份既歌星maximum都係唱4-5首歌, 不過打綠竟然唱左7 首, 全場之冠, 佢地一出場真係好多人叫好多人支持, 超受歡迎 !!! 好可惜, 阿龔冇出現, 令到成個表演既感覺好怪好唔自在, 我見青峰都比平時靜左, 好少talking. 我一直以為青峰係成個樂團既靈魂, 無左佢會唔得, 但原來係冇左任何一個團員都唔得架. 少左其中一個成個感覺都變得好唔同.....

當晚既歌單原來係有心思安排:

狂熱.他夏了夏天

蟬想.藍眼睛

早點回家.帶我走.近未來

打綠果然想得周到, 連歌單都好似一首詩咁.

最開心既係青峰唱左我之前一路心水想佢地唱既"蟬想" & "帶我走".
Esp "帶我走". 青峰不斷唱""帶我走...." & ""帶走我....."....我真係可以帶你走嗎?
蘇打綠版既"帶我走"真係好好聽好激昂.....超正!!!高音個句真係好勁呀!!
上次小巨蛋都有唱. 期待佢地快d出小巨蛋DVD!!!

PS 到左馬場無耐, 巧遇OneOne同佢個朋友仔, 真係Q呀!

Pics from cmak801:

青峰so smart!!!

 

後記(抱怨文):

本身$180飛既位置已經超差, 唔係幾望到個台, 只係睇大電視, 打綠又遲出場, 3點幾等到8點幾, 都已經好攰, 好啦, 到打綠出場個陣, 企係附近好多人係咁大聲講野, 大聲笑, 有D人又係到訓覺 (真係成個人訓係地下個隻訓, 有埋公仔做枕頭個隻) , 又有D好怨氣既情侶係到Sweet Sweet, SHIT!!!!! 真係好想鬧佢地, 嘈住哂, 搞到我都投入唔到!!! 好激氣! D人係唔係顛架, 買飛黎訓覺, 訓覺返屋企訓啦! 要煙硬唔該都返屋企先啦!! 真係變態!!!!! 呢個世界咩人都有!!!! 真係頂D人唔順!!!! 成個Show比呢d人整衰哂!!!!!!!勁憎!!