仔仔

蕙蕙多左個細佬，就係仔仔勒！佢都返左泥成個月了，仲記得十月六日帶佢番泥果陣，驚到瀨尿，搞到成身尿味，又吾同得佢沖涼（果時得兩個月大），驚到呱呱叫，食野飲水都叫，真係笑死！！
呢隻衰仔就無蕙蕙咁為食，但就百厭都死，成日都被蕙蕙唆擺犯案，又走得慢過貓，次次都斷正喺我面前，佢通常都係衰抓梳化，咬電線，咬植物，玩海棉同百潔布，整晒啲雜誌落地，掃晒啲梳呀咁，通常我都係家法待侯...不過次次佢轉頭又吾記得，比佢激死！！！
但佢乖嘅地方就係任抱吾嬲，有時仲訓鬼埋，可能佢係中長毛，成日暖暖立咁，而家秋風起，好過攬咕𠱸呀~~