回到未嫁時(四)

19/11, 今日既節目就係試衫。

12點，帶埋媽媽去NC fitting, 點知件衫未ready, 等左成半個鐘先返衫! 我都唔明之前嗰一個禮拜媽媽已經去過一次度身，點解改完出黎條腰同個hip都係窄，要再放再改!跟住到奶奶，衫身ok fit, 但係個袖鬆到浪來浪去，唔得，又要改! 跟住到我，fitting ok，但係其中有條裙唔夠長要放盡，但係都吊腳，佢地話唯有响裙腳加d珠仔吊穗，咁樣加同埋要洗一洗，21號要5點後先有得拎衫!原本無諗過要咁遲，因為要走勻幾個地方拎衫，包括冠南華，classic, mode, LM，宜家NC要搞到咁遲先有得拎，自己又辛苦，媽媽奶奶又辛苦陪我周圍走!於是，媽媽同奶奶聽日再去NC fitting, 無問題, 21號佢地唔駛過黎，我一次過幫佢地拎埋，咁唔駛老人家騰來騰去!

之後，再去埋紅磡Classic，奶奶和我都係各租一件，第一次去已經知道自己要咩，所以Tina一拎d衫出黎就可以即時confirm，唔駛再三心兩意!去到fitting, 好啱身，唔晒點改，所以我都叫奶奶21號唔駛騰出黎拎衫，我順手幫佢拎埋搞掂!

後記﹕奶奶對Tina的衫真係有讚無彈，因為奶奶真係好鍾意嗰套孔雀藍珠片花花衫，仲有响NC租嗰件，佢都費時換，直頭一件到尾!

去完Classic, 出返尖沙咀順便幫伴娘拎裙。咁當然，我check清楚條拉鍊有無問題先拎走!

今晚，另外兩個姊妹拿拿淋上埋去fitting, 佢地都唔等改好第二日上去拎衫，趁有時間去埋金都new new買鞋仔，再上返去fit好走人。So far, 5個姊妹搞掂姊妹裙。餘下的1條番左但係未整起個泡泡款!仲有跟姊妹裙的披肩還未有呢!佢話因為唔夠拉布做唔晒6條!

响呢一刻，我好平靜，因為我已經surrender,沒咁好氣再同佢拉鋸，我覺得成件事佢鍾意點就點，已經完全out of my control. 反而姊妹們好激動，好扯火，狂打電話追佢係咪星期五一定可以改好晒d裙同埋有披肩拎!