一個月太太

時間過得真係快，轉眼間一個月又過去了，已經成為bun太太一個月了!

一個月前的今日，bun同v一同步入註冊處，決定簽紙，正式成為夫妻!

但係坦白講，bun未係好適應由小姐成為bun太的身份。

原因

1) 結完婚第二日去左honeymoon, 根本唔會有機會去感受成為太太的感覺，bun都係當平時同v去旅行咁，只不過去得長d，去左2個禮拜。其間，唔會有人走埋黎嗌你Mrs.

最好笑，入住西班牙的其中一間酒店，個receptionist讚bun有一個好捱得下的男朋友(因為我地個紅白藍膠袋成20kg重，v都照揹上膊)。吓，男朋友?我地真係唔似新婚夫婦渡蜜月?!

2) 我地响半年前已經一齊住，一路住的感覺都係好同居feel, 而且大家的生活模式已經開始磨合，變相結左婚少了一種新婚夫妻共同生活，共同摸索的新鮮感。不過，咁都好，大家已經知道大家的生活習慣，少左好多睇唔順眼既野!

3) 到宜家都未正式開始做c9野，例如﹕去超市掃貨，周圍格價，做至叻精明眼!最重要係bun未煮過一餐飯俾v，一路以來，都係v照顧bun飲食!

回應怪獸公私的待嫁心情的一篇blog, bun有少少想回應﹕

你太抬舉我了，我的婚禮不算得上是成功，是難忘吧了，因為bun同v係共同努力用一整年的時間去籌備這場婚禮。或許有人會覺得不值得，但我地有共同的信念﹕要做一個屬於我們的婚禮，所以婚禮的每一個環節我們也親力親為。全日的婚禮完結後，睇見家人、親戚的笑臉，兄弟姊妹落力的協助，賓客們心滿意足的表情，嗰種”完滿”(自我評估only) 完成的感覺係令我地會不停回味再回味，當然當中不乏有好多甩轆場面，但呢一些的不完美反而令我們的婚禮更難忘!

响籌備的過程當然有出現令我氣忿的vendors，我係不停的跌落陷阱，再由陷阱裡爬番出黎，因為最重要都唔係嬲，而係諗點樣補救，咁當然經一事，長一智，之後confirm vendor都係做晒資料搜集，如果都唔掂，唯有認命!

仲有，我會快d update big date sharing, 因為我好驚好驚再過遲d記憶力開始衰退，會忘記big date details!