Final Countdown: 15, 14, 13 days to go...

1)     7/11, 星期五, 又要去醫生覆診，皮膚敏感的問題好似好了一點，額頭的痘痘已消退，但仍然有紅及疤，不過，我想只要唔再出痘痘，搞到月球表面咁，化妝應該可以遮到既!與此同時，醫生話其實你係未好番，要繼續食藥及搽藥膏直至結婚，宜家最重要係放鬆，準時食藥，搽藥，食得清淡!V本來都係一個大魚大肉的人，因為bun的緣故，竟然陪我一齊轉餐，真係難為了他!當然仲要繼續每日飲苦到無晒感覺的中藥，中西合壁，外敷內服!

宜家其他的事都唔諗，只要塊面可以好番就得架啦，如果唔係神仙都難救!!

2)     8/11, 難得的星期六短週，9:30am約左PL manager confirm banquet details, 佢都真係跟得好貼，基本上，响之前幾日已經email左個checklist俾我地，v當然好快手第二日答晒人地，所以到左今日，見左面半個鐘頭就confirm所有details.

唔知係咪我地條數meet 到佢地的target, 佢拍晒心口話一定可以confirm到兩晚Bridal Suite，同我地最初睇房時係兩種說法！Anyway, 有兩個厠所，大家就唔駛爭！

下午，我去剪頭髮，ｖ同全日總監rehearsal, 由PL上山頂，原來都只係15分鐘，再由山頂去大會堂都係15分鐘，最後由大會堂返PL就會耐小小,20分鐘，因為告士打道有出紅隧車同埋由中環灣仔黎的車，所以要頂左會有少少塞！v綜合兩次rehearsal的經驗，再fine tune每人的duty list, 全日rundown, 同埋最重要整左一份路線圖俾兩個負責駕車的兄弟！

後記﹕頭髮剪多左，over了，而且加左紅色highlight, v話唔好睇，點算！唯有快ｄ揾Annie睇下有ok or not, 再睇下有無得搞！

3)     9/11, 星期日，同埋媽媽一齊去NC度身，全程15分鐘搞掂完成，下星期三，19號1st fitting。我唔係串，晒命，但呢期要食清淡，咩肥野都唔食得，體重直線下降，平時著褲啱啱好，宜家鬆到浪浪下，我好驚到時再瘦ｄ，仲浪唔起件衫。宜家雖然要食得清淡，但係我都搏命咁食2碗飯，2碗湯，一定要質脹自己！

跟住去埋化bridesmaid MUA俾deposit. 尾數當日俾埋！