全球最大殖民地

有D好笑嘅諗法想公開吓，如果有朋友有咩意見，希望各自發表！

全球股災，想救都唔知點救。問題核心始於美國。幾十年嚟，佢獨力湊大幾個仔，但由於美國極信「生得出個仔，就由得佢自己玩啦，唔好吓吓管住晒」嘅放任經濟自由主義，呢幾個仔就憑住自己獨有嘅創意思維，喺全世界放火！D仔仲好叻，連家用都唔多攞番屋企，攪到美國成為全球最大債仔，勁！問人借錢，都要有人肯借先得架；放心，又由於美國另一D仔將佢成為全球最有信用嘅債仔，所以實問到人借嘅！當中有美國國外殖民地 — 日本；「阿哥唔OK，做細佬嘅點都要借D錢俾阿哥架」嗰隻！另一個就仲叻，純純粹粹為咗未來嘅“戰略關係” — 中國；「我借錢俾你都得，不過你知你要對我點架啦！」

到今日，美國喺全球最大嘅債主就係呢兩個國家。日本喺最近已經停買美國債券；不過中國最近就承認，若果美國再發債，中國最少認購二千億！點解中國明知美國唔多掂，都願意出手幫佢？

雖然中國喺最近承認自己仲係「發展中國家」，不過作為一個高瞻遠足嘅領導人，會深深明白到依家自己國家喺全世界處於咩位置。當全世界都喺度萎縮，而自己國家仲有增長，咁、喺全球人民眼中自己就要擔當幫手嘅角色；短期嘅就係出手幫佢最想幫嘅美國！

未來全球人民回饋自己身份時(最有可能係美國)，發覺自己喺度為緊邊個做嘢、還錢時，可能會諗“我喺度做緊自己以前最睇唔起嘅地方做嘢”。

到嗰一日，中國可能無端端發現自己多咗一個好大嘅殖民地 — 美國！