都幾難忘的生日

今日的生日好難忘....唔好諗因為太開心所以難忘, 原因是發生咗好多唔開心事所以難忘, 我自己個人就有一些感受, 而在現實生活中今日發生咗真是比較唔開心的事!!!

第一我自己感受就是因為知道一些我會在意的人竟然真是忘記了我的生日, 一個message都沒有, 當然人地都有自己的生活, 我唔可以認為人地會記得, 我只可以講是我自己蠢未真正放得低!!!

第二就是家姐我亞e哎交, 都有一點因為我, 原因是我遲到攪到佢地哎交, 我都好唔好意思, 幾經辛苦佢兩個先和好我地的節目先可以繼續!!!

第三就是我爸爸今天剛去完旅行回來好唔舒服入咗醫院, 我同家姐去接他們車, 之後就送佢去醫院, 我相信今次都幾嚴重, 聽說可能肺積水, 而且呼吸不到, 身體腫晒, 我地一家都好擔心, 媽媽仲想喊, 其實我自己都好眼淺我都好想喊出來, 但我同自己講我唔可以因為如果我喊媽媽跟家姐都會哭出來, 爸爸仲係度, 我相信只不過是個天給他一點考驗, 我相信他會痊癒, 我今晚就算幾眼訓都會幫他做Reiki, 希望他的積水會慢慢地沒有, 希望他會好快好番和Cody玩, 因為爸爸都很錫Cody!!!

第四就是我亞e個舅母又剛去世, 雖然我不認識她, 但都為她難過!!

今日真是發生咗好多不開心的事, 唔知點解我真是開始覺得個天對我好唔公平, 自己琴行份工比人屈, 唔想做自己份工又比層樓困住, 自己間屋又多野要攪, 老豆又有事, 真是好多唔開心的事發生在我自己身上, 而屋企都有, 所以有時真是好無奈, 好多事都是一鑊咁嚟, 完全沒機會去透氣, 之前可能仲有人肯為我付出, 幫我諗, 但我現在知道那人不再會了,我現在真是要一個人去面對, 我可以嗎?

最後都講吓開心的事就是收到家姐她們送的NDS禮物, 好多謝佢地!!!!