24~25

平安夜~~

喺天水圍城.朋友嘅豪宅....過咗一個笑到肚都孿嘅~走樣卡通睡衣派對....

一入屋我第一時間..揾我已有兩年冇見嘅千五郎..我之前係回憶(一)都介紹過它...

蝦~~佢已經由一隻鐘意扮人嘅動物..

變咗做一隻鐘意扮老虎嘅動物..佢咁鐘意扮嘢.無非都係想隱藏自己嘅真正身份..

其實佢真正嘅身份......係一隻貓..!!大家係咪以為佢係一個狗呢..??

豪宅近期多咗隻貓..張惠妹............佢好爹..

呵呵.........一套睡衣都冇嘅我..原來著起睡衣係好可愛.好性感~~依套睡衣簡直係令我自信心返哂嚟呀~~~哈哈哈

當大家換完套睡衣後... 豪宅即時變狗竇...

等下依個.等下果個...依餐0:00先開始食..咁就真係名正言順嘅聖誕大早餐啦..可能太早嘅関係..8個牛胃人竟然會輸比依枱嘢食...

啱啱喺得成出嚟果個..食飽後碗都唔洗.就打開雪櫃諗住偷酒飲..

点知比依對狗男女發現..!! 正想佢返菲律賓果一刻..

佢竟然抱起張惠妹嚟威脅我哋...仲笑笑口話個雪櫃門係自已開..佢只係伸個頭入雪櫃.叫d生力唔好咁生猛咁話喎....!! 嚇到張惠妹發哂青光...好陰公呀~~

咁我就唯有扮瞓..狗男就扮貓比人玩..大家當冇事發生la...

四位混血兒朋友..唔該執枱執快d la ..我想快d玩遊戲呀...!! 我哋依d純港人就梗係偷懶喇..!! 哈哈..

架妹聽到<遊戲>依兩個字..即刻加快速度變咗無影手..

依個game 係用畫圖方式比人估答案..我哋玩到咁上下就改做.人體動作估答案..場面勁爆笑..e.g:枯委..遊樂場..依d字做動作又真係會好攪笑...有d又做得複雜咗..有d又不達意咁..

真係笑到爆肚..但係就難為咗喺房瞓緊嘅豪宅爸爸.媽媽....

玩完game都三点幾..嗱嗱聲執好嘢就開始交換禮物lu..

執執吓.泰仔無啦啦.停哂手咁自已同自已玩畫圖..賓妹同架妹都即刻彈開.費事理佢...

我抽到嘅禮物...Cash...yeah..!!

果晚都玩到成五点幾先散水....仲懶勁咁plan埋新年去"長隆"....哼~~我哋一向plan好嘅嘢.十次有八次都係攪唔成嘅..把鬼..!!

好似今次咁..約好哂啦...到最後都只係得八個出席..嘥鬼氣~~冇一次齐人嘅..

冇一次可以影齊五個脷環人仕嘅..

~~~~~~~~~~~~~~~~~~~~~~~~~~~~~~~~~~~

聖誕節

就去咗亞姨屋企開~大家族聖誕聚會大派對(点解我成日都改埋d貢長嘅名)

話明係大家族....所以都要成9個人一齊整嘢食..好彩亞姨屋外屋內有兩個大厨房.先可以企到貢多人幫手咋..

而我就做d簡單嘢.包春卷....

依兩個蛋糕..都係亞姨親手整..100個叻..

登櫈~~~~成枱嘢..全部都係自已整...yeah~~

依個BB超得意..佢係我姨丈個堂弟個孫女..嘩~関係好複雜..

我覺得今年好特別...因為係我出嚟做嘢依11年嚟第一次..平安夜.聖誕節都唔駛番工..所以我都係第一次Join到依個每年一次嘅家族X'mas party 咋..!!下年唔知我有冇機會Join 到呢..??

依兩day..我就係咁樣渡過喇....!! 你哋又点樣慶祝呀...?

仲有三日就2008年喇..希望大家2008年比2007年過得更開心.更健康..!!