高溫燒脂減肥之旅:由東涌沿昂坪360救援棧道步行往昂坪!

日期: 2009年5月10日 (星期日)

氣溫: 28C

濕度: 80%

是日最高的紫外線指數: 9

---------------------------------------------------------------------------------------------------------------------------

行昂坪棧道，一直係我夢想!

因為我既好奇心及好勝心驅使下，

我渴望去挑戰這條被評為難行既路線，

我渴望在這條行山徑欣賞美麗的風景。

但肥仔一直不太建議我去，可能佢怕我行唔掂要揹我下山吧!

但我一直以來憑藉我的「大長今精神」，花了不知多少唇舌去央求肥仔同我一起去行昂坪棧道。

終於我「勝出」呢! YEAH!

--------------------------------------------------------------------------------------------------------------------------

不過，呢段路真係好難行，唔好見我個topic寫住咩高溫燒脂減肥，也不要輕看四小時的路程以為很快行完，然後一窩蜂湧去行昂坪棧道諗住免費修身。因為山路雖然係石級和木樓梯組成，但由於十分陡峭，加上大部份路段沒有大樹。我建議須要有行山經驗既朋友方可前往。

---------------------------------------------------------------------------------------------------------------------------

出發前，不忘在「e分鐘著數」以積分換領免費單程票。換言之，今日由觀塘至東涌的$36來回車費可以唔駛自己俾，叻叻!

到達東涌後，有好多呢d指示牌。只要我們跟住「逸東邨」及「侯王宮」的方向走便可。

半小時後，抵達了逸東邨後的小河，然後沿河道的左邊走。

然後向右邊「侯王廟」方向走。

這裡有2個公廁，建議大家無論如何先「交水費」，因為在四小時的山路，是完全沒有洗手間的。

沿途會見到「東涌戶外康樂營」。

還有古樸的鄉村小路。可遙望昂坪360吊車。

到達棧道入口，肥仔一馬當先行上去。

而我，行左15分鐘已經後悔，因為呢段路真係好斜。

東涌美景盡收眼底。

我繼續以慢速向前走，因為真係好斜好辛苦，不得不慢走，以免中暑。

行到呢度，已經成身濕哂。對住鏡頭，只可苦笑。

終於見到第一座塔，以為自己好叻，

不過，原來我開心得太早，因為......

因為由第一座塔行去第二座塔係好遠、好陡峭ga~

不過返唔到轉頭，於是繼續向前走，

上上落落、上上落落................................................

回望之前自己走過既路段，覺得自己好叻。

倦了，坐在木樓梯，一邊欣賞機場景緻一邊午膳。

這時，勁多車上既乘客向我們揮手，甚至影我哋。

第二座塔。

呢度係全個行程之中最陡峭的一段。

我見到都腳軟了......

但肥仔一馬當先，還鼓勵我慢慢走，因為不留神的話，會易生意外。

呢一段比較易行及舒服，亦都係最近纜車既路段之一。

有小朋友大叫:「嘩! 有人行山呀!」

又有坐在水晶車的大朋友彎底身向我們揮手及say hello!

再加上纜車的隆隆聲在頭頂上發出，感覺好得意。

昂坪的纜車轉向站。

遙望大佛，即係就快到，yeah!!

好曬，因為整條路都係西斜。

所以我建議大家日後如果想行昂坪棧道要在好早出發啊~

遙望昂坪纜車站及昂坪市集。

終於近距離見到昂坪纜車站，而呢度亦都係棧道既終點站，yeah!!

待續!