開學啦!

10/8/2009         寶兒

Jason人生中既讀書篇正式展開，今日開始讀K1。

由於有過上次既不快經驗 (Jason讀nursery時感染手足口病，撞穿前額，發高燒入院住了5日)，Jason老豆同Jason媽仍心有餘悸......

第1個星期返1個鐘，家長可以陪一陣，然後離開。第2個星期返2個鐘，到第3個星期就開始正常時間返3個鐘。

準備就緒

食早餐，同心愛Mater合照

不安既眼神...

入到課室玩玩具，分散注意力

隔離位個同學仔既髮型超型

Jason班有26個學生，2個班主任......

10點鐘放學，家長要在課室門口排隊等候，見大部份同學都冇喊，但係Jason就......

老師呵護中...

好悽涼啊...

Jason完成第一日既學習，佢既表現屬於意料之內---怕陌生人(擰轉面或垂底頭)，大喊。

不過都有進步，比如較以前喊完易settle down，及可以講到上課時做過既事。

人人都話開始返學一定喊......希望Jason儘快適應，有一個愉快既校園生活!

(P.S. 最緊要健健康康，唔好受傷，阿門！)