尋日都好地地，日日抱你嘅媽媽，今朝一抱上手都覺點解咁暖嘅？心知不妙！但嘟嘟又未去到發燒，咁，著重出席嘅爸媽梗係要你照返學啦！(P.S.你都係未喊完，唔知點解，你仍然對分離有好大嘅憂慮，可能因為同一時間換咗唔同姑媽湊啦！)

識我嘅人都知我返工時六親不認(因為忙於工作，同我講電話，我會好掘同冇野就收線；這點天憫婆婆最清楚，宜家已盡量提醒自己聲氣要好D啦！)，所以親友好少阻住我做野，但下晝開始，二姑媽打了幾個電話來(放心啦姑媽，有事係要打架！)：先係天憫都唔係好慶、又好似冇其他野，聽日唔駛返學(講完1次俾姑媽聽之後，做阿媽果個都差D唔記得)，大家共識，橫掂屋企有退燒藥，不如睇定D，有事聽日去睇醫生咪得囉！

言尤在耳，姑媽再打電話黎：仲係慶、又話肚痛、又話攰，所以姑媽帶去睇醫生，喺醫生度度都係一樣仲未算發燒，仲送埋返屋企添！。

病就梗係食粥啦，姑媽餵，唔肯食，剛剛媽媽返黎，要媽媽餵，OK，但，結果係你絕食！！！！！！！

結果，到食藥時已經係夜晚10點，開始有D慶、黎料啦！

1年前：

3年前：

2006年10月15日(出世三日)回家的第一個晚上