童年．成長印記

曾經係呢度得到好多開心同難忘既童年回憶！！


細個既時候住係屋邨，
同隔離鄰舍既感情係最好的，
媽媽們拉開鐵閘企起門口就可以傾得一餐，
感覺好親切，大家互相照應，
小朋友就可以走勻咁多間屋玩，好ｆｒｅｅ！

以前我家就係係長走廊最尾果間，
所以每逢去街又或者回家總要經過晒咁多間屋，
同媽媽一齊出街的話，
我地一定會鬥快一支箭標左去禁lift先，
之後會等好耐都未見媽媽出現～

點解？
因為媽媽總係會每家都停一停，傾一傾，打個招呼先行，
而我地就會係大堂行黎行去跳黎跳去跑黎跑去同追黎追去。。。


以前總係係咁跳，跳到掂到大堂天花條橫樑為止，
而家伸手就可以了。。。

＝．＝．＝．＝．＝．＝．＝．＝．＝．＝．＝．＝．＝．＝．＝．＝．＝

我讀既幼稚園仲係度呀～！
（阿勤讀果間已經無左ｌｕ。。。哈哈）

對幼稚園既事唔係太記得啦，
不過都有ｄ零零碎碎既片段，
最記得係同同學仔係班房門口鬥快飲維他奶～hahaa
好懷念呀！～

＝０＝０＝０＝０＝０＝０＝０＝０＝０＝０＝０＝０＝０＝０＝０＝

成個屋邨只得一個商場，不過什麼都有～
以前既商舖好多都執左ｌｕ，
只有少部份仲仍然係樹。。。
（阿勤好開心見到以前間補習中心仲係度呢～！）

＝＊＝＊＝＊＝＊＝＊＝＊＝＊＝＊＝＊＝＊＝＊＝＊＝＊＝＊＝＊＝＊＝

大家讀既小學還在呀～！
操場依舊，長木椅仍在，
可惜不能入內參觀～～

後記：
好開心可以重回兒時生活既地方，
畢竟係呢度有太多與家人的回憶，
彷彿找回一點大家共同成長既印記！！