山窮水盡

6 月 20 日 （六） 晴     今日放工之後 ， 同 幼稚園學生 去o左 APM 逛街 ， 出到去都差不多 3 點 ， 到 Food Court 醫完肚先開始四圍行 … 響 APM 並冇任何斬獲 ， 見到大堂有個中電環保汽車展覽 ， 車身 d 設計圖幾靚 ， 於是就影低佢 …

行完 APM 就落o左裕民坊 ， 去匯豐找卡數 ， 過馬路時見到路邊開o左間首飾店 ， 於是就入去逛逛 ， 想買返條長頸鍊 … 最終揀o左呢條 …

行完觀塘 ， 我地就去o左 Mega Box ， 呢個商場永遠都咁少人 ， 高層先多返 d 人 … 經過間手袋店買o左呢個袋 ， 仲有埋匙扣送呢 ~~~

俾 ＄ 時個 Sales 同我地介紹返商場 d 活動 ， 憑任何兩張購物滿 ＄200 之收據 ， 可以免費換鬚刨 1 個 ； 另外 ， 用 Visa 簽脹亦可參加大抽獎 ， 佢話好多客都抽到紅酒 … 我地聽完佢講之後 ， 諗住再買 d o野去換鬚刨 ， 經過服務台見到真係有鬚刨換 ， 點知行上兩層已經話換晒 …  換唔到唯有改去大抽獎 ， 頭獎係 「飽魚」 ， 我地都唔想抽到 「太興冰震奶茶一杯」 ， 結果抽到最細獎 – Winnie the Pooh 禮品一份 ， 係換衫公仔o黎o既 ， 都唔錯oY ~~~

抽完獎之後 ， 我地就上 「鳴門」 食壽司 ， 已經有十幾人排緊隊 ， 因為 9：30 p.m. 後入座有半價 ， 呢度係我地第一次約會o既地方 ， 不過間鋪已經由 「目黑」改為 「鳴門」 。  食完埋單 ＄100 都唔夠 ， 我地用 VISA 俾 ， 但佢話唔夠 ＄100 唔收卡 ， 左摷右摷先湊夠散紙俾 ＄ ， 有冇咁窮呀 ~~~  食完就衝去停車場攞車 ， 剩返 5 minus 就過鐘啦 ， 再過鐘真係冇 ＄ 俾o架啦 …