「泰好味」+ HaPpY BiRtHdAy To YoU ... yOu ... YoU ... yOu ...

9 月 15 日 （一） 晴     今日約o左 Daniel & Tony 去 Rachel 屋企打麻雀 ， 9：45 a.m. 就出門口 ， 去到新城市o岩o岩好趕到班巴士 ， So Good ！  入到屯門落車都只係 10：40 a.m. 左右咋 ~~~ 見時間尚早 ， 就試o下行內街過去卓爾廣場 ， 外面條單車徑實在太曬o勒 ~~~  行o左陣就去到行人天橋o既位置 ， 等過馬路時四圍望望 … 咦 ！！！  點解 「巴黎倫敦紐約戲院」 會響呢度 ？  再仔細望望條街 ， 似曾相識o既感覺 … 原來成日o黎睇戲o既地方同個巴士站咁近o架咋 ？ 我都係今日先知 ， 因為平時o黎親睇戲都係夜晚 ， 望唔到遠 d o既景物 ， 即刻打俾 幼稚園學生 講返我見到o既o野 ， 佢仲話我 ：「乜你宜家先知呀 ？」   

去到 卓爾 見到有間 聖安娜 ， 果度 d 蛋糕都唔錯喎 ~~~  會合埋 Daniel 之後 ， 我地首先去 McDonald 買o野食 ， 跟住響 聖安娜 買埋蛋糕 ， 就撘輕鐵去 澤豐 會合 Tony ， 跟住就一齊上 Rachel 屋企嚕 ！   

我地打到 7：45 p.m. 左右就收場o勒 ~~~ 初時 Rachel 都話一齊去食 dinner ， 但後來又話太累唔去 lu … 臨走時問 Rachel 借o左個環保袋裝住盒蛋糕 ， 攪到佢將櫃桶 d 膠袋摷晒出o黎 ， 真係唔好意思 ！  今晚除o左我地三個之外 ， 幼稚園學生 都會去食 dinner ， 佢要多謝 Tony 之前幫佢 check 車 ， 真係唔該晒呀 ~~~  落到去佢已經到o左 ， 為o左掩 「佢」 耳目 ， 我落樓時托 Daniel 幫我捧住盒蛋糕 ， 佢果然成晚都冇問過我地捧住 d 乜o野 ， hahahaha ~~~  後尾問返佢 ， 佢話以為係 Daniel o既o野 ！    

幼稚園學生 今晚帶o左我地去虹橋食一間泰國o野 - 「泰好味」 。 間鋪唔算大 ， 入面只係得四 、 五張細枱 ， 但都算多人呀 ~~~ 我地坐埋最後一張枱 …

我地叫o左個套餐 A ， 另外叫o左個 「糯米雞」、 兩杯芒果沙冰 & 兩支啤酒 ， 我試飲o左少少啤酒 ， 初時個杯好冰凍時飲係唔苦的 ， 但後尾個杯唔凍就好難飲o勒 ~~~  

芒果沙冰 – 杯o野拎到o黎見到個面杰撻撻的 ， 唔似平時飲開果 d 沙冰 ， 味道亦只係麻麻 …  

例牌 - 冬蔭公湯

咖哩蟹包 – 第一次食呢樣o野 ， 個咖哩汁好好味呀 ~~~ 唔係好辣 ， 但就好惹味 ！ 個包又好脆口 ， 我地唔覺意將個包蓋推出o左隻碟 ， 職員以為我地唔要 ， 就話個蓋先係最正呀 ~~~  但食o左幾件麵包個肚已經滿滿地 …  間鋪幅牆掛住張 「咖哩蟹包」 o既相 ， 職員話係客人送俾佢地的 ， 因為客人食完覺得好好味 ， 就將張相鑲落相架送俾佢地做生招牌 。  職員仲向我地介紹另一個招牌菜 – 「生蝦」 ， 叫我地下次試試 …

辣椒炒蜆 – 呢個我都覺得好好味 ， 可能因為少食啦 … 

小食拼盤 – 魚餅 、 春卷、 蝦餅 、 雞串

糯米雞 – 呢個係 幼稚園學生 推薦的 ， 佢話好好味 ， 但我因為肚子滿滿而冇試到 …

菠蘿炒飯 – 冇乜人吼呢碟o野 ， 最終佢都係要打包拎走 …

甜品 – 芒果黑糯米 – 食完仲有甜品送 ， 大家見到 d 糯米已經覺得好飽 ， 但都每人試o左 d …  

枱面o既o野已經食唔晒o勒 ~~~ 更加唔好講個蛋糕啦 ！  臨走時同 幼稚園學生 講 ：「呢個送俾你o架 ~~~」 佢問咩o黎 ， 我話係蛋糕o黎o架 ~~~ 佢話 ：「唉呀 ！ 我o岩o岩仲打側o左添 ~~~」  好彩佢冇一拎上手就拎去 「傲」 o者 ~~~  送 Daniel 去天水圍巴士站撘車 ， 再送 Tony 返佢公司 ， 跟住我地就返去換返架車 ， 因為佢要拎 d o野去粉嶺俾佢同事 ， 順便借個打火機 。

返到沙田之後 ， 我就同 幼稚園學生 預祝生日 ， 吹埋蠟燭就大功告成o勒 ~~~ 

呢個蛋糕我係有得睇冇得食 ， 留返 幼稚園學生 拎返屋企食o勒 ~~~ 初時以為個蛋糕好多忌廉 ， 但佢地食完話冇乜忌廉 ， 個底仲係餅來的 ， 幾好味咁話喎 ~~~