＜魔幻王國：卡斯柏王子＞

6 月 6 日 （五） 雨     因為 plan o左星期日先去 幼稚園學生 屋企食飯 ， 所以今晚決定去拍拍拖 ， 我地都好耐冇去過拍拖啦 ， 除o左返情侶更 …  今晚o既節目就係去睇戲 - ＜魔幻王國：卡斯柏王子＞ ， 前排本來想睇 ＜奪寶奇兵之水晶骷髏國＞ ， 但上o左呢套後又想睇呢套多 d … （但其實我地係未睇過第一集 ＜魔幻王國：獅子 女巫 魔衣櫥＞ … ）

今晚 6：15 p.m. 左右就收工 ， 撘巴士入天水圍會合 幼稚園學生 再去屯門 ， 套戲 7：40 p.m. 開場 ， 我地去到屯門都差唔多時間 ， 好彩今次就唔駛等位 ， 泊好架車就衝去戲院嚕 ！ 即場買飛 ， 套戲都好多人睇呀 ， 中間位爆晒 ~~~ 我地買埋爆谷就入場嚕 ！  

入到去已經開o左場 ， 初時都唔係好明佢講緊咩 ， 我仲以為係 以前 + 現在 o既交替 ， 後尾先知全部係現在發生o既事 ， 所以開頭覺得有 d 悶 …  到後尾 d 魔幻生物出場 & 戰爭場面就醒神晒o勒 ~~~  戰爭場面真係好緊張刺激 、 好精彩呢 ~~~  而特技方面都做得好好 ， 好鍾意睇果 d 魔幻生物 - 半人馬 、 老鼠仔 、 樹怪 、 海神 、 獅王阿斯蘭 …  成套戲緊湊得o黎又有 d 笑位 ， 真係好唔錯呀 ~~~  遲 d 好似仲有第三集呢 ~~~  不過就要等到 2010 年 … 但首要都係睇返第一集先 …    

睇完戲都差不多 10：00 p.m. ， 我地去o左附近茶餐廳 dinner ， 食完就返歸 lu … 今日成日都未停過雨 ， 仲要成日都係好大雨添 ~~~  

P.S. 星期六先知原來今晚電視播 ＜魔幻王國：獅子 女巫 魔衣櫥＞ … 早知有得播就睇完第一集先入戲院啦 …