Lucky Day

4 月 27 日 （日） 雨     今日 幼稚園學生 放假 ， 我地去o左元朗睇玩具 … 大約 12 點 ， 我就撘 269D 入元朗 ， 響 元朗廣場 會合 幼稚園學生 之後 ， 就去o左附近間台灣o野食 lunch ， 覺得麻麻地好味咋 ~~~  跟住就去附近睇玩具 ， 我地都覺得幾 ok 呀 ~~~  睇完之後就響隔離商場逛o左陣 ， 再撘巴士 + 輕鐵去 屯門市中心 逛街 ， 落車後入去投注站買番張六合彩 ， 但我就俾個實 Q 姐姐截住 ：「拎個身分證o黎睇o下 …」    

最近 幼稚園學生 換o左架新公司車 ， 諗住買塊布遮住椅背後面 ， 初時諗住買 Monchhichi 布簾的 ， 但 Trendyland d 布簾冇出到 Monchhichi ， 最終決定買 Winnie the Pooh ， 冇咁女仔o麻 ！ （相比起 Minnie & Marie）  

還可以接受呀 ???

後尾經過 遮仔 見減價 ， 就入去逛o左陣 ， 最後買o左件 tee 先走 …  跟住就去o左 冒險樂園 掟彩虹 ， 我地換o左 30 個銀o黎玩 ， 初時諗住用 15 個o黎玩推 $ ， 點知入o左 10 個銀都仍然係郁都唔郁 …  我地決定收手 ， 轉移去掟彩虹 ， 運氣都算唔錯呀 ~~~  中o左 5 次獎 ， 其中一次仲係大大大大獎 ， 就係藍色彩虹大獎 （彩虹最細果格） ， 真係冇諗過可以中到 ， 佢叫我揀公仔 ， 我問佢可唔可以換飛 ， 佢話可以 ， 我問佢有幾多飛 ， 佢話 1500 …  我仲介以為自己聽錯 ， 佢再講一次都係 1500 ， 第一次中到咁多飛咋 ~~~  

掟彩虹所中o既禮物 - 紅獎o既零食, 黃獎o既趣緻鹿公仔 (呢間 冒險樂園 規定紅獎 & 黃獎只可以揀禮物, 所以揀埋咁多o野食) 

逛完只係 6 點幾 ， 又未覺得肚餓 ， 諗住返沙田先再食o野 ， 於是就撘西鐵返公司攞車 ， 撘西鐵途中 幼稚園學生 突然提議去 Bibi 屋企食飯 ， 響天水圍接埋幼稚園學生 Mother 返屋企之後 ， 我地就帶埋條魚去 Bibi 屋企加餸 ， 食完都已經 10 點 ， 後尾我地又再玩 「猜猜 畫畫」 ， 我地拍檔再一次以大幅度距離輸俾 Bibi 佢地 …  我地玩到 11 點零就返歸 lu … 落到樓發覺落緊大雨 ， 今朝仲好好天的 ， 唯有冒雨衝去上車返歸 …