08 元旦大食會

1 月 1 日 （二） 晴     今日食完 lunch 之後 ， 我地就開始包禮物 ， 一共包o左 4 份 ， 因為 father 要返工所以唔去 … 我地 5：45 p.m. 左右響屋企出發 ， 撘 48x 再轉 46x 入美孚 ， 一出馬路送o左架 48x 車尾 …  等o左 10 minus 先有車 ， 去到新城市鬼死咁多人上車 ， 而個司機又唔知攪乜鬼 ， 上完人開車走仲要排響架o岩o岩埋站上客o既 47x 後面 ， 條人龍鬼死咁長 ， 等o左差不多 10 minus 先開得車 …  響城隧轉車站落車轉 46x ， 呢度又等o左大約 10 minus 先有車 ， 剩係等車都o徙o左唔少時間 ， 去到舅父屋企都已經 7：05 p.m. 了 …  

去到放低 d o野 ， 禮物就放響電視機下面 ， 就開始大食會嚕 ！ 有十零盆o野食 ： Pizza 、 生菜 、 菜心 、 磨菇 、 雞翼 、 雞鎚 、 蒜茸蝦 、 扇貝 、 金沙骨 、 沙律 、 西瓜 、 木瓜 …… 有 d 係叫到會 ， 有 d 就係自己整 ， 可能大家都好肚餓 ， 45 minus 左右就清晒 d 食物 lu …  跟住大家坐響度睇睇電視 ， 休息一陣 ， 8：15 p.m. 左右開始交換禮物 。 Joanne 同我地講解o下遊戲o既玩法 ， 呢個唔係純粹抽號碼攞禮物o既玩法 ， 而係可以搶人地份禮物 。 d 禮物唔會編 no. ， 但我地就每人抽一個 no. ， 抽到 1 號o既可以出去揀一份禮物 ， 即刻拆開俾其他人睇o下係咩o黎 ， 抽到 2 號o既可以選擇搶 1 號份禮物 ， 或者出去揀一份 ， 都係即刻拆開俾其他人睇係咩o黎 ， 抽到 3 號o既就可以選擇搶 1 / 2 號份禮物 ， 唔搶就出去揀一份 ， 如此類推 ， 所以號碼越後果 d 就越著數 。 假如 3 號搶o左 1 號份禮物 ， 1 號就可以搶其他人份禮物 ， 又或者出去揀過另一份 ， 總之冇禮物響手就可以有選擇權 ， 而每份禮物最多只可以搶 2 次 。  

初時大家都冇搶人地份禮物 ， 我都唔例外 ， 我抽到隻大公仔杯 ， 杯口有成隻手掌咁大o既杯 ， 我諗住都冇人會搶我果份 ， 點知二舅父選擇搶我份禮物 ， 估唔到佢會鍾意 …  我初時想搶大舅父份禮物 – 拖鞋 + 毛巾 ， 但最後都係選擇抽過另一份 ， 抽到份 Body Shop ， 最終都係帶o左呢份禮物返屋企 ， Mother 就抽到熊熊毛公仔 ， 臨走時送埋俾 Joanne ， 而 Sisters 佢地就抽到金莎 & 紹香園蛋卷兩盒 。 其中 拖鞋 + 毛巾 呢份禮物最搶手 ， 俾人搶過兩次 ， 但最終都係俾大舅父搶返 ， 原來呢份禮物係表弟揀的 ， 佢今朝飲茶已經帶埋去話要送俾大舅父 ， 如果俾其他人搶o左都唔知點算嚕 ！ 哈哈 ~~~  玩完呢個刺激o既抽獎之後 ， 大家打牌o既打牌 ， 睇電視o既睇電視 ， 我地睇完 「戈師奶」 就歸家嚕 ！ 返到屋企o岩o岩好夠鐘睇 「叱吒」 ， 睇完晒先去 sleep …