幼兒發展檔案

07/02/2009 (Sat)

浠愍第一張成績表, 亦係我第一次以家長身份與老師面對面詳談.

我都有d緊張同擔心. 去到唔知講咩&問咩好呢??(怕問漏) 老師又有咩評語呢?

浠愍係屋企成日無時停, 又多多要求, 扭左扭右, 係學校又係唔係一樣呢?

結果........(以下是老師評語) 

睇完份報告, 覺現在做老師都唔易, 唔好話教小學, 中學老師辛苦及壓力大, 連幼稚園老師都唔好睇小(我地讀書年代邊有咁詳細報告呀!) 上堂唔止要教學生, 又要影相, 又要每個學生細心觀察, 落左堂重要做咁多分析及報告. 你都咪話易事. 佩服!

講返浠愍, 郭老師話浠愍好熱情, 會主動關心同學, 上堂乖&留心, 係有時食完飯會係課室行一個圈(無目的喎), 浠愍爸話浠愍可能想食完飯散下步呢! 激死~ 整體學習, 群體活動都好好&進步, 成長發展都附合同齡小朋友.

我向老師講浠愍係屋企既霸王, 扭計, 有時叫極都唔彩你, 一有做唔到事情就發皮四, 食飯食食下要人餵等. 郭老師話係學校原全無喎......好少同同學爭玩具, 無扭計, 聽老師講, 做唔到既事都無發皮氣呀, 食飯係自已食, 而且好快食完同整理添. 郭老師都笑, 話浠愍蝦我地!

不過都好既, 起麻有人冶到佢, 係學校乖, 唔駛成日比老師投訴. 都安慰d!