家長觀課日

09/04/2009 (Thu)

學校連續一星期舉行"家長觀課日", 浠愍(幼小班)就安排係星期三及星期四.

原本報左我同浠愍爸會參加, 但浠愍爸臨時請唔到假, 所以由婆婆頂上.

當日連我地有七位同學仔家長參加.

開首由校長作簡介今次活動目的&活動內容, 之後就交比郭老師.

郭老師&陳老師好細心呀~~~ 怕我地睇唔到小朋友上堂既真實一面(因怕同學見到家長時場面會失控), 特別錄下佢地平時上堂的情形播返比我地家長睇. (原來浠愍上堂都好乖架播! 老師問問題佢都答到, 而且重定定坐係樹.  哈哈~)

首先, 學習時間, 老師分開2組, 我地家長就係另一房等候, 同學仔坐好後, 我地家長就坐係佢地後面, 睇佢地上堂. (出奇地, 浠愍見到我地無太勁既反應, 咁當然有望我地同叫我地啦, 但老師一叫, 佢又留心返)

之後, 唱遊時間, 全部同學一齊圍圈唱歌跳舞, 我地家長就坐係後面睇, 浠愍都好好呀, 無走過來, 全程都聽老師指示, 睇到佢上堂d反應真開心又攪笑.

最後, 同學仔就返回課室預備食lunch啦, 而我地家長就去左另一課室作觀課後討論及分享.

參覲完今次活動, 真"喜出望外"呀!!  估唔到浠愍見到我地在場佢都可以咁乖同聽話, 咁當然要多謝老師既教導啦!!

現在要諗諗K1是否繼續, 真十五十六........

由於私隱關係, 學校唔比影相同錄影架, 但我見有家長影, 所以我又偷偷........D相只post左小小, 而且全打晒格, 而video就唔公開lu~ 保障大家!!