MonaLisa~揀相篇

今日相約咗好姊妹Money同埋佢男友,一行四人入栢麗灣揀相,大約兩點半到逹monalisa, sales-Toby 負責招呼我哋,佢都好好講低咗點樣揀相後就行開等我哋自己慢慢揀......我喺呢個時候梗係攞出個電話唻偷影啦hehe不過影咗幾張就俾人發現咗哈哈!!!

我哋total有135張相,睇咗第一輪......無我哋相像中咁靚,所以我哋經過4 rounds後就已經cut剩40張,最後cut多兩張,埋單38張,跟住叫咗Toby過唻,真係要讚一讚佢呀,佢完全無hard sale, 可能我哋已經比本身個package買多咗13張,佢都係咁易問下加唔加落相簿,加唔加uv......咁我都好直接答NO,佢都無再問

跟住就要決定邊張落相簿, 邊張做油畫等等......離開時都已經四點十......咁都攪咗兩個幾鐘!!!真係好多謝Money同佢男友家駒陪咗我哋玩咗咁耐, 不過睇返啲相......有啲真係好好笑,哈哈!我有一張竟然似關菊英

由落單到依家揀完相,對monalisa o既service都好滿意,希望出年二月收完相後都滿意啦!!!