9 月 7 日

9 月 7 日係立法會議員選舉投票日, 我當然要盡公民o既責任去投票啦!  大bb 問我同爸爸點解要投票喎  我梗係趁呢個機會教育教育一下佢啦! 

9 月 7 日, 係大bb 和大埔龍其他隊員參加天水圍飛鷹欖球隊主辦, 在天水圍運動場舉行的欖球比賽, 昨日大bb 的表現令我刮目相看, 他比起以前進步不少, 今次佢比我的感覺係: 佢真係一個參賽者而唔係一個旁觀者!  佢好投入, 有主動追波, 見到對方手中有波, 便前去捉人, 好有 ball sense! (按: 小型欖球o既規則係當拿著波的球員衝向底線的時侯若被對方球員捉住, 他便要向後交波比其他隊友, 唔可以再帶波! 此舉為了阻止對方進攻)  大bb 仲有自己親自帶波落底線o添!  

*** 大埔龍(6男1女)對天水圍飛鷹(6女1男), 結果唔使講啦 ... ...  ***

*** 大bb 捉住對方球員的一剎那 ***

*** 衝呀 ................ ***

9 月 7 日, 仲係大bb 掉了兩顆門牙的日子, 兩顆都係由我親自"下手"的!  其實呢兩顆門牙都鬆o左一排, 但遲遲都未掉下來 ..........  而佢o地又分別鬆到令大bb 好唔舒服, 所以我先至出手啫 .................

9 月 7 日一早在太和麥當當時, 仲有兩隻上門牙, 不過已經好鬆喇!

9 月 7 日上午打完第一場比賽, 大bb 話隻牙好鬆, 媽媽隨即動手

9 月 7 日晚飯時, 大bb 話食o野好唔舒服, 隻牙鬆得好犀利, 於是媽媽再次動手 ... ...  哈哈, 一個 "風爐" 活現眼前!

不過每次大bb 掉一顆牙, 媽媽都會買雪糕比大bb 食, 呢個傳統係由公公遺傳落o黎o既 ... ...  而尋日因為球場小食亭無雪糕賣, 所以媽媽唯有買吱吱冰o黎充數!