向晴朗一天的東北出發! (第三話)

十一月九日（月曜）　天晴　　池袋－仙台－松島－仙台

早上比趕及東京站10:40的列車出奇地暢順．在東京站出口丸之內大廈留連數十分鐘．坐著靜靜觀看business man急趕上班時情景．似平日坐在中環閙市IFC附近遊覽的感覺．坐在樹旁無目的的四處張望著都很自在．

JR pass好易用．show 1 show比註守駅既駅長已OK. 好VIP既感覺 :D  到達仙台已12:30．這裡感覺都很城市化一點也不鄉下．我們首先到網上己一一訂好的酒店check-in．放下行裝便起行回到仙台站．我選了特產甜點“ずんだ”同明太子飯團就到車站候車處等候 “ずんだ”好特別啊．第一次食，係用枝豆中碎做外層．內部一粒粒似湯丸的．仙台糖不luck和菓子是也．

1:58向松島出發．該輛列車乘客大多是老人家．因為平日年青一群正常都需要上班的關係吧．到達松島已2:30pm．步行至碼頭物體都差不多15分鐘．

看見松島的景色很postcard感覺．看那邊的紅色福浦橋橋的確很日本風情畫的感覺．

上船後．下層原來是玻璃隔開．船上不停以傳統字正腔圓的女子日語播出介紹．”左邊哪個是ｘｘ島．右邊哪個就是ｘｘ島．．”但當時就算你超勁日文都未必知邊個打邊個．因為太多哩．個個差不多，最記得只有一個叫化妝島．都不知是美還是看得太膩．總括而言．船程五十分鐘有一半時間是想閉目養神呢．

終於不怕大風地跟一堆乘客步出船頭吸吸新鮮空氣．哇，雖然都幾凍．但真有趣啊．付出１００定２００yen買包蝦條．而蝦條當然唔係自己吃！係原來海鷗係鍾意食卡樂ｂ蝦條．簡直O晒咀．（但我係唔會買，睇下人地餵已經足夠哩：ｐ）一群又一群既海鷗不斷追來搶吃蝦條，好可愛啊．

與距離原定計劃5:37回程還有很多時間．走完歷史遺跡五大堂．

拍照都拍罷了後．坐在海岸邊說說笑笑想想．唔係諗乜野，其實係談談心講下各自戀愛史而已．4:30未夠已經黃昏．哇．乜原來秋冬既東北係咁早天黑・行完條紅色既福浦橋．黑漆漆哩天色已經 U_U;

5:30在松島站等著車的時候，人影都冇隻又凍又黑．彷彿已經晚上11點．

兩人僅吃袋中一條soyjoy橙味營養bar後，肚子仍很餓呢忍忍忍忍忍地等著火車的到臨．終於返回仙台站哩．立刻飛向著名的“伊達の牛たん”．

兩客特厚牛芯牛たん．原來燒牛舌可以唔蘇，好似吃牛扒咁好味． 

再叫埋仙台另一名產ささかまぼこ．即笹葉形狀既彈牙魚丸（魚丸加わさび好match啊<,<）呵呵呵好滿足啊．

飽暖梗係想訓．番酒店前例行工作於７仔買堆yoghurt,jelly,icecream etc之後煲煲日劇跟住瞓覺．

松島對我而言．海岸的確很美但最印象深刻仍然係松島牌海鷗＠．＠;

明天會去另一地方: 鳴子溫泉! 紅葉山嶺觀賞紅葉．