潮語

     今日一早起身，立即飛撲落樓下Tom Lee ，打算買呢期

「勁熱」 既潮流「達人」林海峰個是但噏求其大合唱part 2 既飛，

745am去到，嘩，估唔到已經「激」多人，

Tom Lee 簡直成為專業排隊黨既「蒲點」，有諗過返歸訓覺，

但唔得啦，鬼叫我應承o左班孟聯之友幫手買飛咩！

做人要有口齒唔可以無啦啦「潛水」o架嘛！

於是，我咪排隊囉，最衰既係，唔比響商場入面排隊，只能響商場外面，

我頂，響出面「喪」吹風o左兩個幾鐘，搞到我個人「頹」曬，

又流曬鼻水，仲有d腰骨痛tim！

    而最慘既係，我原本係排緊第十一，但排下排下，唔係後面越黎越多人，

係我前面越黎越多人，我真係睇到「O咀」 ，有無搞錯，我突然變o左排

第廿幾三十個呀！！點夠你地玩呀排隊黨，好「屈機」喎你地！

    好辛苦先等到十點開售時間，前面排隊個班排隊黨，個個買十張，

搞到勁耐，排到我個時，已經無曬尾場喇，原本打算買埋尾場調假同我

Honey去睇都無曬行LU ，最後，好求其咁買到原本想睇既場次就「閃」

返屋企沖涼訓覺啦！咁早起身，真係眼訓到「無朋友」呀！

.

.

.

.

.

.

我呢篇文咁爛，唔怪得會考無A啦！