風球下遊山玩水

約了Coffee爸媽行山，星期六早上掛起一號波，卻無損我們行山游水的興緻；其實我都唔肯定咁熱天行山會唔會攞我條命，不過Coffee爸媽係好有經驗既行山人仕（睇Coffee爸成個運動健將look就知），有佢哋傍住我就淡定好多。

今云我哋坐Coffee車長驅直進由西貢市駛至西灣亭，不過中途要在北潭涌攞佐禁區紙先。

Coffee在車上好心急咁等緊Coffee爸。

包包：架車坐得我哋好舒服呀，一定好貴架啦。

Coffee爸幾經波折終於攞到禁區紙。

出發啦，途中貝貝仲自己揾佐個風景位爬佐喺度影相。

行行吓扭抱。

千辛萬苦，終於到佐海灣茶座，睇吓包包個樣幾攰，咁不如坐低抖抖睇睇風景先。

Coffee：落得水未呀？

Coffee媽：心急得你吖，飲啖水先啦﹗

今次包包都落水游佐好一陣子。

合照，比Model Coffee精靈樣搶哂鏡添。

正準備回程之際，突然風雲色變，落起一陣大大的過雲雨。

等到無勢藝添，Coffee媽就開始餵狗啦。

雨停，天色正常返少少我哋就回程，游完水成身涼爽哂至有心情欣賞吓沿途風景，雨後日落的景色另有一番味道。

回程Mom自己都無力啦，包包唯有自己行無得抱。

攝於入夜的白沙灣。