真心超人@《我的超人男友》

只要心裡面係超人，你就係超人。

如果你突然遇到一個極度熱血既好人，幫阿婆攞野擋車過馬路，捉小偷，執其他人亂丟既垃圾，見到有人就俾車撞就飛身撲救，你一係會當佢傻既，再來就係佢別有用心。（就連莫史廸先生甘好人都係為左賣保險）當你攞住一大袋野突然有人走過來幫你拎，你第一時間都會覺得佢來搶野多ｄ（定係得我一個人覺得）。

當熱愛幫助人既人俾人當做傻仔，我地究竟生活係點樣既世界。

《我的超人男友》話俾我地知只要你心裡面係超人，你就係超人。不要以為係全知賢就一定係愛情片，只係BC一貫衰既譯名，事實上不是男友，係朋友，超人係人類既朋友。導演係馬拉松既導演喔，我非常鍾意馬拉松，專拍煽情片，但好勵志。

秀晶問超人：「你無超能力，仲不斷幫人，唔怕受傷咩？」但超人只係話幫人佢會好開心。幾時開始，幫其他人變成左一件會受傷，而唔係開心既事。所以我地開始漠不關心，亦害怕被人協助。超人話：「力量打唔開鐵門，但係鎖匙可以。」、「如果我唔拉呢條繩，你仲企係果度，當我拉左條繩，未來就改變喇」，幫助其他人拯救唔到世界，但係可以影響其他人。

莫非無私地幫人既只係剩返傻仔？不要忘記，我地都曾經係超人。