光陰似箭, 日月如梭

唔覺唔覺又好耐冇出blog啦, 講到尾都係個"懶"字.

不過又講真句丫,先排真係忙到pk, 日日係咁做, 星期六,日都要返,有時間都打下機啦!寫乜鬼blog wor!! hahahaha~~~

自從上個月中開始放暑假同summer school之後, 先開始正常番, 而且係正常過正常, 因為我終於可以一嘗放星期6,日既快樂.

我公司其他既outlet,可以話都係5天工作, 只係偶爾會星期6有function先要返下工咁, 但我就基本上係個個星期6都要返(我都唔知點解我做呢間咁丫多野星期6搞既....),所以一直都係得星期日放, 有時仲連星期日都要返....

好彩係呢間outlet係有summer school既, 而我唯一就係呢段時間可以放到孖day,做番個正常人(以公司其他outlet既標準計), 都算係咁啦

正計劃7月尾可能去旅行, 但老婆一時一樣, 我真係唔知佢想點~~~

亞老婆大人, 我都係想去旅行relax下遮, 有時洗多少少都唔緊要啦, 我呢份工放親長假期都係旺季架啦, 如果我一直做到退休都係做呢份工唔通真為左貴左dd而呢世都唔去旅行咩?! 錢有時係要比人賺架!! 仲有就係唔係一定要同你媽咪去啦下話?! 老實講我唔介意同佢去, 但我更想二人世界 lor!! 而且你又話想xx, 到時3人行就有, 2人世界no way!!

大家唔好以為上面段野係比我老婆睇, 其實係我寫比自己睇發洩下咁遮. 因為第一我老婆根本唔會睇, 第二就算佢真係睇左佢都係咁架啦, 講都講左九十幾次.....

唉~~~女人, 你咪咁啦.....